Pájina aktualizada iha 21:53h, kuarta-feira 20 Novembru

Orsamentu Seguransa Sosial nian aumenta ba dolar millaun 141,88 iha 2020

14 de Outubro de 2019, 22:55

Orsamentu Seguransa Sosial nian aumenta ba dolar millaun 141,88 iha tinan oinmai, ho kontribuisaun sira ultrapasa dolar millaun 34,18, haktuir hosi proposta hosi Orsamentu Jeral Estadu nian.


Iha konta sira hosi Orsamentu Jeral Estadu (OJE) nian ba tinan oinmai, ne'ebé maka Lusa hetan asesu no ne'ebé haruka iha semana ne'e ba debate iha parlamentu, proposta hosi lei haree katak saldu jerénsia iha tinan ne'e maka dolar millaun 66,14 ne'ebé sei tau hamutuk ho transferénsia hosi Orsamentu Jeral Estadu (OJE) nian hosi dolar millaun 41,31.

"Nune'e, reseita global sira hosi Seguransa Sosial inklui reseita efetivu sira hosi tinan 2020 ho folin dolar millaun 75,74, nune'e mós saldu tranzitadu hosi tinan 2019, seidauk transfere ba Fundu hosi Rezerva Seguransa Sosial nian", hakerek iha proposta hosi lei ne'ebé aprova hosi Governu.

Hosi parte despeza sira nian iha dolar millaun 97,43 iha ativu finanseiru sira, dolar millaun 41,67 iha transferénsia korente sira no dolar millaun ida resin iha saláriu sira ho sasán ho serbisu nian.

"Despeza global sira hosi Seguransa Sosial inklui mós, nune'e, despeza efetivu sira hosi tinan 2020, iha folin dolar millaun 44,45, nune'e mós despeza iha ativu finanseiru sira, refere ba aplikasaun hosi osan ne'ebé akumula iha Fundu hosi Rezerva Seguransa Sosial nian", nota.

Reseita previstu sira hosi rejimi la kontributivu aumenta ba dolar millaun 36, hosi kontributivu ba dolar millaun 102,9, ho saldu orsamental ida iha valor dolar millaun 31,29.

Saldu ne'e inklui dolar millaun 31,09 "relativu ba saldu orsamental hosi Rejimi Kontributivu hosi Seguransa Sosial Repartisaun nian iha tinan 2020, ne'ebé sei transfere, to'o tinan 2020 nia rohan, ba Fundu hosi Rezerva Seguransa Sosial nian" no mós dolar rihun 200 resin iha rendimentu hosi aplikasaun finanseiru sira iha tinan 2020 rasik.

Konta sira kalkula katak iha Fundu hosi Rezerva Seguransa Sosial nian sei akumula, iha tinan 2020, folin global ida dolar millaun 97,23 "no folin ne'e sei aplika hodi kapitaliza rendimentu sira".

Lusa

 


Comentários

Critério de publicação de comentários