Pájina aktualizada iha 21:53h, kuarta-feira 20 Novembru

ConocoPhilips fa'an ativu sira iha Tasi Timor ba Santos hamutuk dolar biliaun 1,39

14 de Outubro de 2019, 23:14

ConocoPhillips anunsia katak hetan ona akordu hodi fa'an ba Santos nia subsidiáriu sira ne'ebé kontrola ativu sira ho operasaun sira iha rejiaun Austrália-Oeste, inklui iha Tasi Timor, ho dolar biliaun 1,39.


Iha kauza maka subsidiáriu sira ne'ebé kontrola partisipasaun hosi 56,9% iha instalasaun hosi GNL iha Darwin no iha kampu petrolíferu Bayu-Undan, rekursu iha bee timoroan sira nian iha Tasi Timor no ne'ebé agora dauadun iha parte ikus produsaun nian.

Pakote ne'ebé fa'an inklui mós subsidiáriu sira ne'ebé kontrola partisipasaun ida hosi 37,5% iha projetu Barossa ho iha kampu petrolíferu Caldita, nia partisipasaun hosi 40% iha kampu Poseidon ho partisipasaun hosi 50% iha kampu Athena.

Empreza esplika iha komunikadu katak sei mantén nia partisipasaun hosi 37,5% iha projetu GNL Austrália Pasífiku no funsaun sira hosi operasaun iha unidade GNL ne'e.

Operasaun hosi desinvestimentu petrolíferu norte-amerikanu akontese liutiha tinan ida hosi ConocoPhillips fa'an ba petrolíferu timoroan, Timor Gap, nia partisipasaun hosi 30% iha konsórsiu Greater Sunrise nian, iha Tasi Timor.

Empreza hatudu satisfasaun ba akordu fa'an nian, iha folin dolar millaun 350, no rekoñese "diverjénsia sira" ho Governu kona-ba modelu esplorasaun nian: Timor-Leste hakarak gazodutu ida ba súl nasaun nian no petrolíferu hakarak uza gazodutu ne'ebé iha ona ba Darwin.

Visi-prezidente ezekutivu ho diretor hosi operasaun sira ConocoPhillips nian, Matt Fox, hatete ona katak empreza "senti orgullu tebes" hosi serbisu iha rejiaun durante dékada rua ikus ne'e.

"Ami senti satisfeitu katak Santos rekoñese valor hosi negósiu sira ne'ebé iha, nune'e mós oportunidade hodi dezenvolve Barossa no, nune'e, kontinua operasaun sira hosi Darwin GNL durante tinan 20 resin tuirmai", nia hatete.

"Maski ami fiar katak projetu GNL hosi Darwin kontinua iha folin ne'ebé ki'ik liu hosi opsaun sira fornesimentu nian ba oferta global foun hosi GNL, operasaun ne'e sei permiti destina kapital ba projetu sira seluk ne'ebé ami fiar katak sei hamosu folin boot ida iha prazu naruk ba ConocoPhillips”, nia esplika.

Empreza nota katak produsaun asosia ba ativu sira ne'ebé fa'an ba Santos maka besik barik rihun 50 hosi petróleu-ekivalente loron-loron (MBOED) durante semestre dahuluk hosi tinan ne'e.

Rezerva sira hosi ativu sira aumenta ba besik baril millaun 39 iha finan tinan 2018.

Hein katak operasaun fa'an ne'ebé fó sai iha loron-segundan ne'e la presiza mós autorizasaun hosi regulador sira, ne'ebé sei hakotu iha trimestre dahuluk tinan 2020 nian.

Lusa

 


Comentários

Critério de publicação de comentários