Pájina aktualizada iha 03:11h, kuarta-feira 21 Novembru

Apoiu hosi doador sira ba Timor-Leste diminui nafatin hahú hosi tinan 2021

16 de Outubro de 2019, 22:01

Apoiu hosi parseiru internasional sira ba Timor-Leste sei diminui nafatin iha tinan hirak tuirmai, maski iha aumentu ida ne'ebé verifika iha tinan 2019, ho ko'a maka'as hahú hosi tinan 2021, haktuir hosi proposta orsamental.


Proposta hosi Orsamentu Jeral Estadu nian (OJE), ne'ebé Governu entrega ba parlamentu iha loron-tersa no Lusa iha asesu, hatudu tendénsia diminuisaun ne'ebé maka akontese ona hahú hosi tinan 2015.

La konta ho tinan sira 2019 ho 2020, pelumenus haktuir hosi previzaun hosi ezekutivu, ne'ebé asisténsia to'o folin dolar millaun 199 no dolár millaun 173,5.

Hafoin, no haktuir hosi projesaun Governu nian, iha previzaun ba diminuisaun maka'as ba menus hosi metade iha tinan 2021 - ba dolar millaun 82,9 no ko'a foun ida, iha tinan 2022, ba de'it dolar millaun 35,3.

Hosi apoiu total ne'ebé previstu ba tinan 2019 ho 2020 (millaun 372,7), ho haktuir hosi livru orsamental sira, parte boot - besik dolar millaun 201,5 - destina ba kapital sosial, ho kuaze dolar millaun 88,9 ba edukasaun ho formasaun ho dolar millaun 63 ba saúde.

Ba área dezenvolvimentu ekonómiku sei iha dolar millaun 62,7 resin, ne'ebé dezenvolvimentu rural simu parte boot liu - millaun 16,4 -, ho dolar millaun 58,6 fó ba dezenvolvimentu hosi infraestrutura sira, no millaun 42,4 ba estrada sira ho ponte sira.

Ikusmai, kona-ba kuadru hosi apoiu institusional, parseiru sira sei fó iha tinan 2019 ho 2020 osan dolar millaun 49,2 resin, ne'ebé millaun 33 ba jestaun hosi área públika no governasaun di'ak ho millaun 12,8 ba seguransa.

Projetu boot hosi períudu ne'e maka Parseria ba Dezenvolvimentu Ema nian, apoia hosi Austrália ho dolar millaun 16,4 iha tinan 2020, iha área sira hosi inkluzaun sosial, saúde, edukasaun, bee ho saneamentu.

Tuir projetu hosi eskola sira referénsia nian ne'ebé apoia hosi Portugal, ho orsamentu ida dolar millaun 11,6 no projetu ida reabilitasaun ba estrada rural sira ho apoiu hosi Uniaun Europeia ho folin dolar millaun 10,6.

Entre projetu prinsipal sira iha Eskola Portugeza Díli nian, ho orsamentu ida hamutuk dolar millaun 5,1.

Iha loron-segunda oinmai, parlamentu sei hahú tramitasaun hosi Orsamentu Jeral Estadu (OJE) tinan 2020 nian, ne'ebé nia folin aumenta ba dolar biliaun 1,95 no ne'ebé sei konklui iha fulan-Dezembru nia klaran.

Dokumentu oioin ne'ebé halo parte hosi OJE entrega ona hosi Governu ba prezidente Parlamentu Nasional, Arão Noé Amaral, iha loron-tersa loraik, no sei fahe iha loron-segunda ba bankada parlamentar sira ho ba komisaun sira.

Parte boot hosi OJE iha tinan oinmai, ho kuaze dolar miliaun 738, maka ba kategoria "sasán ho serbisu sira", ne'ebé rejista aumentu ida hosi 60% bainhira kompara ho orsamentu tinan 2019 nian.

Tuir kapital dezenvolvimentu nian, ne'ebé aumenta 14% ba dolar millaun 459, transferénsia públika sira ne'ebé aumenta ba 27% ba dolar millaun 458, saláriu sira ne'ebé iha aumentu ida hosi 12% ba dolar millaun 241, no ikusmai ba kapital menor ne'ebé aumenta 47% ba dolar millaun 53.

Konta públika sira reprezenta aumentu ida liu dolar millaun 300 bainhira kompara ho limite hosi despeza sira ne'ebé aprova antes hosi Governu maibé ikusmai hetan koresaun maka'as hosi Komité Revizaun Polítika Orsamental nian.

Tradúz mós aumentu ida hosi dolar millaun 458 bainhira kompara ho orsamentu tinan 2019 nian ne'ebé maka hanesan dolar biliaun 1,49 ne'ebé, to'o agora, Governu uza de'it to'o valor 61,1%.

Lusa

 


Comentários

Critério de publicação de comentários