Pájina aktualizada iha 22:42h, domingu 17 Novembru

Ema ida mate iha loron lima nia laran tanba vítima hosi asidente viasaun iha Timor-Leste

29 de Outubro de 2019, 20:47

Iha média, ema na'in ida mate, iha loron lima nia laran, tanba vítima hosi asidente sira viasaun hamutuk 1.700 resin ne'ebé maka rejista iha Timor-Leste iha tinan 2018, haktuir hosi relatóriu ida hosi Diresaun Nasional Estatístika nian.


Informasaun sira, ne'ebé maka Lusa iha asesu, indika katak asidente sira viasaun nian halo mós ema na'in 1.672 kanek kmaan ho na'in 404 kanek todan.

Estatístika sira hosi asidente nian hatudu diminuisaun ki'ik ida iha númeru hosi kazu sira hasoru tinan 2017 bainhira rejista kazu hamutuk 1.830 ne'ebé halo ona ema na'in 78 mate.

Iha kapital Díli maka rejista ona vítima mate barak iha tinan 2018: na'in 24 iha asidente rihun resin, ne'ebé halo mós na'in 896 kanek kmaan ho na'in 134 kanek todan.

Munisípiu Covalima sai hanesan munisípiu daruak iha númeru hosi vítima mortal sira (na'in sia), halakon Manatuto (na'in 7) ho Lautém (asidente hamutuk 137) ho Baucau (asidente hamutuk 129) kompleta lista iha nível akontesimentu sira.

Marsu sai hanesan fulan ne'ebé maka akontese maka'as asidente sira, ho fulan-Setembru rejista númeru boot hosi vítima mortal sira (na'in 23), ho asidente motor sira maka halo vítima maka'as liu (na'in 34 mate), halakon asidente karreta sira (31) no ema sira ne'ebé la'o ka siklista sira (na'in 10).

Hosi kazu sira asidente nian, kazu 848 rezolve ho di'ak ona, kazu hamutuk 725 la lori ba prosesu sira, kazu hamutuk 49 lori ona ba tribunal no kazu hamutuk 90 konklui ona, haktuir hosi relatóriu.

Relatóriu hatudu mós katak iha tinan 2018 nia rohan, Timor-Leste iha ajente polisial hamutuk na'in 4.165 (feto na'in 623 ho mane na'in 3.542), ho na'in 178 iha Unidade hosi Polísia Marítima (UPM), na'in 712 iha Unidade Espesial Polísia nian (UEP) no na'in 383 iha Unidade hosi Patrullamentu Fronteira nian (UPF).

Lusa

 


Comentários

Critério de publicação de comentários