Pájina aktualizada iha 22:40h, domingu 17 Novembru

Índia sei la halo parte iha tratadu livre komérsiu iha Ázia-Pasífiku

05 de Novembro de 2019, 01:06

Iha loron-segunda ne'e Índia anunsia katak sei la halo parte iha akordu livre komérsiu hosi Ázia-Pasífiku ne'ebé maka promove hela hosi Xina no inklui nasaun hamutuk 10 iha rejiaun.


Líder sira hosi Parseria Ekonómiku Integral Rejional hasoru malu iha loron-segunda, bainhira hakotu simeira ida hosi Asosiasaun hosi Nasaun sira Sudeste Aziátiku (ASEAN) nian, ne'ebé halo iha Tailándia, no konkorda rezolve diferensa sira hosi entedimentu kona-ba paktu ne'ebé sei permiti abertura hosi merkadu sira, ho lideransa hosi Xina.

Maibé, durante konferénsia Imprensa, diplomata indianu importante ida esplika ona iha loron-segunda katak nia nasaun sei la halo parte iha parseria, invoka opozisaun interna maka'as hasoru ezijénsia hosi paktu, hasoru posibilidade hosi merkadu nakonu ho produtu xinés sira nian.

"Índia sei la halo parte (hosi paktu) tanba interese nasional", afirma hosi Vijay Thakur Singh hosi Ministériu Negósiu Estranjeiru Índia nian, hodi refere ba akordu ne'ebé halibur nasaun hamutuk 10 hosi ASEAN, inklui Xina, Japaun, Koreia-Súl, Austrália ho Nova Zelándia.

Lusa

 


Comentários

Critério de publicação de comentários