Pájina aktualizada iha 22:40h, domingu 17 Novembru

Timor-Leste simu Mostra Anual hosi Fórum 16+ iha semana oinmai

05 de Novembro de 2019, 22:13

Responsável atus resin sei halo debate, iha Díli, iha semana oinmai, ba Objetivu sira Dezenvolvimentu Sustentável (ODS) nian no reforsa empeñu multilateral, iha ámbitu hosi Mostra Anual hosi Fórum 16+ ba datoluk, anunsia hosi organizasaun.


Enkontru, ne'ebé hala'o entre loron 11 ho 14 Novembru, sei halibur "formulador sira hosi polítika, profisional sira ho líder sira pensamentu nian, hamutuk na'in 180, inklui reprezentante sira hosi sosiedade sivil ho Governu, funsionáriu sira hosi ONU, fundasaun sira, setór privadu" no seluk tan, indika.

Enkontru iha Díli hakarak "reforsa nesesidade hosi vontade polítika sustentadu, ho kompromisu hosi parte interesadu oioin no foko nafatin iha implementasaun hosi ODS", iha sekuénsia hosi mostra sira ne'ebé halo ona iha Jeorjia, iha tinan 2017, no iha Serra Leoa, halo iha tinan liubá, haktuir hosi organizador sira.

Durante enkontru, sei iha sesaun sira serbisu nian ho debate sira kona-ba envolvimentu hosi sosiedade sivil no setór privadu, kombate hasoru violénsia jéneru nian, auditoria sosial ho jestaun hosi finansa públika sira.

Rekonsiliasaun, inkluzaun, prevensaun ho reziliénsia, buka justisa ne'ebé sentradu liu iha ema sira, knaar juventude nian, lian ho rai sira hanesan tema balun iha análize nian, hatutan.

Fórum 16+ hanesan kompostu hosi Estadu-membru sira hosi Austrália, Koreia-Súl, Kosta Rika, Dinamarka, Jeórjia, Guatemala, Peru, Repúblika Xeka, Serra Leoa, Suésia, Timor-Leste ho Tunízia, aleinde hosi G7+ [organizasaun intergovernamental ne'ebé harii hosi nasaun-membru hamutuk 20 hosi Ázia, Pasífiku, Áfrika ho Karaíba] no hosi Federasaun Mundial hosi Asosiasauns ira hosi ONU (WFUNA).

Lansa iha fulan-Abril 2016, Fórum 16+ "komprometa hela ho implementasaun hosi ODS, hatudu signifika hodi avansa ho dalan pasífiku, justu ho inkluzivu", ho polítika sira iha nível lokal, rejional ho nasional.

Lusa

 


Comentários

Critério de publicação de comentários