Pájina aktualizada iha 22:38h, domingu 17 Novembru

Iha tinan ne'e Governu hasai ona dolar millaun 518 hosi Fundu Petrolíferu

09 de Novembro de 2019, 01:07

Iha tinan ne'e Governu foti ona dolar millaun 518 hosi Fundu Petrolíferu hodi selu Orsamentu Jeral Estadu (OJE) nian, hatete hosi visi-governador hosi Banku Sentral ba Lusa.


"Semana ne'e konkretiza ona transferénsia adisional ida hamutuk dolar millaun 98", hatete hosi Venâncio Alver Maria, bainhira hakotu aprezentasaun hosi relatóriu trimestral hosi Fundu Petrolíferu ne'ebé refere ba períudu entre Jullu ho Setembru.

Relatóriu nota katak Governu foti ona dolar millaun 420 hosi Fundu Petrolíferu iha fulan sia dahuluk iha tinan ne'ebé dolar millaun 200 resin iha Agostu ho Setembru.

Hosi total ne'e tau hamutuk transferénsia ida hamutuk dolar millaun 98 iha semana ne'e, aumenta total ba transferénsia sira ba Fundu Konsolidadu (konta hosi tezouru) hamutuk dolar millaun 518.

Venâncio Alves Maria esplika ona b aLusa katak ho konkluzaun transferénsia foun ne'e, konta tezouru iha saldu ida hamutuk dolar millaun 256 ne'ebé inklui folin ida dolar millaun 72 hosi seguransa sosial.

"Ministériu Finansa bele, iha momentu ne'ebé de'it no to'o final tinan nian, hasai osan adisional ne'ebé maka konsidera hanesan nesesáriu", nia refere.

Ba gastu adisional hosi konta públika sira, agora daudaun Governu iha disponívelosan dolar millaun 184 resin.

Informasaun hosi Portal Transparénsia hosi Ministériu Finansa hatudu katak, to'o ohin loron, Estadu timoroan iha de'it ezekusaun real ida hosi 60,68% hosi Orsamentu Jeral Estadu (OJE) tinan 2019.

Folin 'real' ezekutadu aumenta ona hosi dolar millaun 634,2 iha final hosi trimestre datoluk (loron 30 Setembru) ba dolar millaun 900 to'o loron ohin.

Ho folin ne'e tau hamutuk obrigasaun sira dolar millaun 101 resin, aumenta nune'e folin ezekutadu total ba 67,6%.

Hosi parte reseita nian - la'ós petrolífera - folin sira ezekusaun nian ohin loron maka 93,9% falta ba Estadu kobra osan hamutuk dolar millaun 12 resin hosi valor ne'ebé maka previstu antes hamutuk dolar millaun 198,5 resin.

Bainhira tendénsia mantén, Governu sei bele simu to'o final tinan ne'e osan dolar millaun 36 resin.

Lusa


Comentários

Critério de publicação de comentários