Pájina aktualizada iha 12:33h, tersa-feira 10 Dezembru

Governu australianu akuzadu halo sensura ba livru kona-ba Timor-Leste nia istória

11 de Novembro de 2019, 21:15

Ministériu Negósiu Estranjeiru australianu karik tenta halo sensura ba parte sira hosi volume dahuluk entre volume rua hosi istória hosi operasaun militar australianu sira iha Timor-Leste, dedikadu ba Interfet, haktuir hosi imprensa australianu.


Jornal sira Fairfax fó sai iha notísia katak projetu - ne'ebé halo parte istória detalladu ida hosi operasaun militar sira hosi Austrália iha Timor-Leste, iha Afeganistaun ho Irake - "iha perigu hodi iha destruisaun ho alegasaun sira katak burokrata sira tenta halo sensura ba volume dahuluk".

Tuir jornal sira, istória tuir loloos publika ona iha fulan rua liubá, maibé lansamentu adia ona tanba "rezisténsia ne'ebé nunka akontese hosi parte Governu nian, liuliu hosi Ministériu Negósiu Estranjeiru hosi Marise Payne nian".

Craig Stockings, istoriador responsável ba projetu hosi Australian War Memorial, fó sai nia "frustasaun" ba atrazu ne'ebé akontese beibeik no "tanba mudansa prinsipal sira ne'ebé maka husu hosi burokrata sira" ba testu final.

Fonte sira hosi jornal admiti katak hanesan "normal" atu Governu fó feedback kona-ba projetu sira hanesan ne'e, maibé, iha kazu ne'e, hanesan objesaun sira hosi MNE "liu ona hosi limiti sira".

"Fonte oioin, inklui fonte ida ne'ebé maka serbisu ona iha volume, hatete katak Governu hakarak mudansa maka'as iha projetu hodi halo agradável revelasaun sira kona-ba asaun sira hosi autoridade australianu sira ho militar indonéziu sira durante destakamentu iha tinan 1999 ho 2000", refere hosi jornal.

"Hanesan hakerek ona, istória bele halo ema indonéziu sira hirus ho halo moe burokrata senior australianu sira ne'ebé, iha retrospetiva, hanesan konkorda maka'as ho Indonézia ho nia asaun sira", refere hosi fonte akadémika ida ne'ebé maka haktuir hosi jornal.

Fonte sira ne'ebé haktuir iha jornal refere katak Stockings nia testu "neutraliza narativa triunfante hafoin eventu no hatudu lia-loos sira ne'ebé la agradável" kona-ba hahalok australianu ne'ebé hamosu "preokupasaun kona-ba avaliasaun brutal sira ho loos sira kona-ba saida maka akontese".

Porta-vós ida hosi MNE australianu hatete katak departamentu kolabora nafatin ho War Memorial iha projetu ne'e hahú hosi tinan 2016, fó asesu ba nia arkivu klasifikadu sira no disponibiliza ema sira hodi bele ko'alia.

"Ami halo ona komentáriu sira ho sei kontinua iha empeñu ho dalan konstrutivu iha volume sira hotu hosi Istória Ofisial", hatete hosi porta-vós.

Iha mensajen ida iha konta Twitter nian, ministru Negósiu Estranjeiru australianu iha momentu ne'ebá, Alexandre Downer, defende katak livru ne'e tuir loloos tenki publika.

"Marise Payne [atual ministra hosi Negósiu Estranjeiru] tenki permiti publikasaun hosi istória ofisial Interfet nian. Ha'u uluk nu'udar ministru Negósiu Estranjeiru iha momentu ne'ebá no tenki konta istória", Downer hakerek.

Ba Lusa, akadémiku australianu Clinton Fernandes - autori hosi livru oioin ho artigu oioin kona-ba Timor-Leste - hatete katak notísia hosi deskonfiansa sensura halo nia la hakfodak tanba postura hosi Canberra kona-ba asuntu ne'e.

"Ha'u la hakfodak atu iha rezisténsia ba livru ida ne'ebé konta papel australianu iha períudu, ne'ebé hanesan ho total solidariedade ida ho militar indonéziu sira", hatete hosi Fernandes, eis-militar australianu, responsável ba Timor Desk hosi Forsa Defeza Australianu ho agora daudaun hanesan profesor hosi Estudu Polítiku sira ho Internasional sira iha Universidade NSW - Canberra.

Fernandes hatete katak livru - ne'ebé sei iha liafuan rihun 400 resin - prontu ona "kuaze tinan ida# no tuir loloos bele lansa ona iha loron 20 setembru liubá, bainhira kumpri tinan 20 entrada hosi militar australianu sira iha Timor-Leste.

"Ha'u husu katak karik sensura ne'e hanesan parte hosi razaun ne'ebé maka labele lansa livru bainhira vizita hosi primeiru-ministru australianu halo iha Díli ba selebrasaun tinan 20 referendu nian ka hafoin iha aniversáriu hosi Interfet nian", nia afirma.

"Hanesan okaziaun ideal ida hodi lansa istória ofisial ida hanesan ne'e", nia hatete.

Akadémiku hatete katak asaun hosi Canberra iha kazu ne'e hanesan ho ida ne'ebé maka autoridade sira foti iha tinan 15 liubá bainhira publika nia livru ida kona-ba Timor-Leste, “Reluctant Saviour” ne'ebé "asaun ne'e la'ós hanesan favorável, no hetan ameasa halo prosesu bainhira ha'u publika".

Istória ofisial hosi operasaun sira iha Timor-Leste, Afeganistaun ho Irake enkomenda hosi primeiru-ministru Tony Abbott, iha momentu ne'ebá, iha tinan 2015, no konkorda ona volume neen, rua kona-ba Interfet - entre tinan 1999 ho 2000 - no ida seluk hosi períudu entre 2000 ho 2012.

Stockings, ne'ebé halo ona parte hosi Forsa Internasional ba Timor-Leste (Interfet), hanesan autor hosi volume kona-ba Interfet no istoriador sira Andrew Richardson ho William Westerman hanesan autor sira hosi parte rua hosi volume daruak.

Lusa la konsege hetan komentáriu ida hosi Stockings.

Lusa

 


Comentários

Critério de publicação de comentários