Pájina aktualizada iha 12:33h, tersa-feira 10 Dezembru

Deputadu sira hosi koligasaun iha Governu hakarak ko'a to'o 1/3 hosi OJE ba tinan 2020

11 de Novembro de 2019, 22:22

Deputadu sira hosi koligasaun iha Governu hakarak ko'a to'o 1/3 hosi folin ne'ebé hato'o iha Orsamentu Jeral Estadu (OJE) tinan 2020 nian ne'ebé maka aprezenta hosi ezekutivu ho opozisaun hakarak hein antes fó sai nia pozisaun.


Deputadu oioin ne'ebé ko'alia ba Lusa defende diminuisaun ne'e hodi hatuun konta públiku sira ba tinan oinmai hosi dolar biliaun 1,95 atual ba folin ida entre dolar biliaun 1,3 no 1,6.

Debate mosu, iha parte, tanba limiti final hosi despeza, ne'ebé desidi iha Komité hosi Revizaun Polítika Orsamental nian (lidera hosi gabinete primeiru-ministru nian), ultrapasa maka'as ona proposta ne'ebé aprezenta hosi Ministériu Finansa (MF).

Komité aprova ona aumentu ida hosi dolar millaun 300 iha proposta inisial ba valor orsamental boot daruak: dolar biliaun 1,95.

Sabino Soares (Guntur), hosi Partidu Libertasaun Popular (PLP) - forsa polítika hosi primeiru-ministru Taur Matan Ruak nian - sai hanesan lian krítika ida hosi proposta lei, kestiona valor, estrutura ho kumprimentu hosi prioridade programátiku sira.

"Ita tenki haree fali, ko'a orsamentu ne'e", nia afirma iha deklarasaun sira ba Lusa.

Nia hatete katak Governu "laiha kapasidade hodi ezekuta orsamentu 2019 maibé agora aumenta ona folin ba tinan 2020, no nune'e aumenta problema sira", nia kestiona prioridade sira ne'ebé defini iha OJE.

Sabino Soares refere mós ba kestaun sira hanesan "regra sira ho estrutura" hosi OJE, falta "dezeñu hosi programa anual sira ne'ebé klaru" nune'e eziji koligasaun Governu nian atu estuda ho di'ak proposta ne'ebé agora iha parlamentu.

Domingos de Carvalho, hosi Congresso Nacional da Reconstrução Timorense (CNRT) – forsa boot hosi Aliansa Mudansa ba Progresu (AMP), koligasaun governu nian, hatete ba jornalista sira katak bainhira laiha konsensu hodi diminui iha konta públika sira, tenki vota kontra.

Nia subliña katak iha kauza maka kestaun hosi kapasidade ezekusaun orsamentu hosi Governu ne'ebé tinan ne'e bele konsege gasta de'it 70% hosi dolar biliaun 1,48 ne'ebé maka disponível.

António Tilman, deputadu hosi Kmanek Haburas Unidade Nacional Timor Oan (KHUNTO), ne'ebé halo parte iha AMP, konsidera mós katak "OJE hanesan aas tebes" no tanba ne'e presiza "dialoga, aserta prioridade sira ba tinan oinmai no hafoin ne'e halo orsamentu adekuadu ida".

"La presiza orsamentu ida ne'ebé aas tebes hanesan ne'e. Importante maka hatene prioridade sira".

Tilman konsidera "deskuidu boot ida" folin hosi orsamentu ne'e to'o iha parlamentu, hodi afirma katak sei iha tempu "hodi hetan solusaun sira ho hadi'a montante adekuadu" ba despesa sira iha tinan oinmai.

"Ha'u hanoin katak sei la akontese atu Governu la aseita diminuisaun ida. Ami sei hetan solusaun ikus ida hodi iha de'it lian ida hosi Governu no parlamentu hodi desidi montante ne'ebé adekuadu", nia afirma.

Tensaun polítika iha AMP nia laran rasik kona-ba OJE halo sekretáriu-jetal CNRT nian ho kordenador hosi Konsellu Diretivu Nasional AMP nian, Francisco Kalbuadi Lay, konvoka ba findesemana oinmai reuniaun ida hodi ko'alia kona-ba asuntu.

"Ha'u konvoka ba loron 16 reuniaun família AMP nian hodi ko'alia OJE ba tinan 2020", nia hatete ba Lusa.

"Ami hein atu sai rekomendasaun ida hosi família AMP nia laran. Ami sei la hatete katak "ó halo di'ak ba ne, ó halo aat ba ida ne'ebá". La'e. Ami sei ko'alia ho rekomenda. Ita hotu iha vontade hodi kontribui, partidu ida-idak, deputadu ida-idak no iha AMP laran hodi rezolve situasaun ne'e, rezolve situasaun nasaun nian no buka orsamentu ida ne'ebé razoável liu", nia afirma.

Ho deputadu sira hosi Governu kritika proposta hosi Governu rasik, opozisaun hatete katak, agora daudaun, sei hein to'o aprezentasaun hosi relatóriu ikus sira hosi komisaun sira no ba debate iha plenáriu antes anunsia nia desizaun.

Maski nune'e, Francisco Branco, deputadu hosi Frente Revolucionária do Timor-Leste Independente (Fretilin) – partidu boot iha parlamentu ne'ebé agora daudaun iha opozisaun, hatete katak "ami haree ho atensaun tebes no seriedade ba proposta hosi OJE 2020 ne'e. Tanba aleinde númeru sira ne'ebé aas, aleinde desproporsionalidade iha distribuisaun hosi rubrika sira, iha violasaun maka'as hosi ami nia regra sira no to'o Konstituisaun rasik", nia afirma.

Com deputados do Governo a criticarem a proposta do próprio Governo, a oposição diz que, para já, vai esperar até à apresentação dos relatórios finais das comissões e pelo debate no plenário antes de anunciar a sua decisão.

"Ami observa ne'e ho atensaun, tenta hatene to'o pontu ne'ebé maka sei para situasaun ne'e", nia hatete.

Branco afirma katak haree "iha aliansa (Governu nian), dezentendimentu sira kona-ba orsamentu ne'e, karik iha kolokasaun hosi prioridade sira ne'ebé parte ida-idak hakarak fó" ba OJE.

Lusa

 


Comentários

Critério de publicação de comentários