Pájina aktualizada iha 12:33h, tersa-feira 10 Dezembru

Reseita hosi kampu gás foun iha Tasi Timor bele to'o dolar biliaun resin

11 de Novembro de 2019, 23:04

Regulador petrolíferu timoroan hatete iha loron-segunda ne'e katak kampu gás foun ida ne'ebé dezenvolve hela iha Tasi Timor, entre Timor-Leste ho Sunda Gás, bele reprezenta reseita sira hamutuk dolar biliaun resin.


"Estimativu sira maka projetu sei iha reseita sira hosi dolar biliaun resin, sujeitu ba flutuasaun. Ami iha besik 0,7 TCF (triliaun hosi pé kúbiku) gás nian", hatete hosi prezidente Autoridade Nasional ba Petróleu ho Mineral (ANPM), Gualdino da Silva, ba Lusa.

"Maibé ami iha estrutura seluk ida ne'ebé ami hakarak koko no ne'ebé, bainhira permiti ami to'o iha 1,2 ka 1,3 TCF, sei sai hanesan projetu ida ne'ebé viável tebes iha nível ekonomia", nia hatete.

Gualdino da Silva ko'alia ba Lusa hafoin petrolíferu TimorGap, ANPM ho petrolíferu Sunda Gás, ho sede iha Singapura, asina tiha kontratu ida hodi fahe produsaun ba esplorasaun hosi rezerva sira gás nian iha Tasi Timor, iha konkretu iha kampu TL-SO-19-16, ne'ebé koñese ho naran Chuditch.

Silva esplika ona katak iha tinan rua dahuluk, ne'ebé Timor Gap sei la halo investimentu ruma, Sunda Gás sei "prosesu informasaun sísmiku ho halo fali mapa sira" hosi estrutura hodi hafoin ne'e desidi sei halo perfurasaun mós iha zona ne'e.

"Iha interese renovadu ida iha tasi Timor hafoin hala'o tratadu hosi fronteira tasi nian entre Timor-Leste ho Austrália", nia hatete.

Iha kazu hosi kampu - zona ida ho 357 kilómetru kuadradu iha limiti hosi sudeste ne'ebé maka uluk hanesan zona konjuntu antigu australianu-timoroan hosi dezenvolvimentu petrolíferu, agora hanesan bee timoroan nian -, negosiasaun sira hahú ona antes hosi ratifikasaun tratadu nian.

"Empreza iha interese tebes hodi asina kontratu ida ho Timor-Leste hafoin hala'o tiha tratadu. Ho tratadu ratifikadu, ami konklui ona negosiasaun ho ami bele avansa", nia afirma.

Gualdino da Silva hatete katak hanesan mós pozitivu atu United Overseas Bank, ho sede iha Singapura, fó "nia akordu hodi apoia projetu iha nível finanseiru".

"Hanesan importante iha empreza ida ne'ebé rejistadu iha ASEAN ho iha garantia sira hosi banku ida ASEAN nian. Ne'e hanesan importante tebes", nia hatete.

Kona-ba negósiu rasik, responsável hosi ANMP esplika katak akordu kalkula formasaun hosi konsórsiu ho 75% ba Sunda Gás no 25% ba subsidiáriu ida hosi TimorGap, Chuditch Unipessoal, Lda.

Nia esplika katak partilla ida ne'ebé maka konkorda antes no ne'ebé maka iha presendente hanesan ho PSC sira seluk iha Tasi Timor, ho SundaGás "kaer risku asosiadu".

Nia hatete katak maski nune'e reseita sira ba Timor-Leste hanesan boot, tanba Estadu simu "40% hosi lukru sira" - valor ne'ebé "sei ba direta ba Fundu Petrolíferu" - ho TimorGap simu 25% hosi 60% restante.

Iha faze esplorasaun dahuluk, TimorGap sei la halo investimentu ruma.

Andy Butler, responsável hosi SundaGás, felisita asinatura hosi PSC, afirma katak prioridade dahuluk maka "sei hadi'a koñesimentu detalladu hosi rekursu signifikadu sira hosi gás Chuditch nian no identifika posu ne'ebé maka sei hal dahuluk".

"Ami sei halo hamutuk ho análize sira seluk hosi prospesaun nian, depois kria portfolio kompletu ida hosi perfurasaun", nia esplika.

Lusa

 


Comentários

Critério de publicação de comentários