Pájina aktualizada iha 12:33h, tersa-feira 10 Dezembru

Timor-Leste konfiante katak Canberra sei rezolve kestaun hosi posu sira Laminaria-Coralina

12 de Novembro de 2019, 00:07

Regulador hosi área petrolíferu timoroan iha loron-segunda ne'e hatudu konfiansa katak autoridade timoroan sira sei hasoru ho di'ak ho konkluzaun hosi posu sira hosi Laminaria-Coralina iha Tasi Timor ne'ebé bele hanesan deskomisionadu.


"Ami akompaña hela situasaun ne'e ho entidade australianu sira relevante iha Canberra no mós ho operador hosi kampu sira, NOGA", hatete hosi prezidente hosi Autoridade Nasional ba Petróleu ho Mineral sira (ANPM), Gualdino da Silva, ba Lusa.

"Ha'u fiar katak NOPSEMA sei kumpri sira nia responsabilidade tuir lejislasaun ne'ebé hala'o iha Austrália hodi garanti atu posu sira bele taka no husik ho di'ak", nia hatete.

NOPSEMA (National Offshore Petroleum Safety and Environmental Management Authority) hanesan regulador independente australianu ne'ebé kaer kestaun sira saúde ho seguransa nian, kestaun ambiental ho estrutura ho integridade hosi posu sira ne'ebé iha estrutura petrolíferu offshore sira.

Komentáriu sira hosi Gualdino da Silva mosu hafoin ABC fó sai iha notísia katak Governu australianu bele selu to'o dolar australianu millaun 200 (euro millaun 124,36) hodi sobu plataforma flutuante ida petróleu nian iha Tasi Timor ne'ebé konsidera hanesan "bomba-relójiu ambiental" ida.

Regulador sira hosi área haruka ona iha fulan-Jullu taka Northern Endeavor, plataforma boot ida petróleu 'offshore' nian hosi Austrália, iha Tasi Timor, hafoin komprova ferujen, falta hosi sistema ida hosi kombate hasoru inséndiu sira no "risku sira hodi bele akontese asidente boot ida".

Nune'e halo empreza proprietáriu, Northern Oil and Gas (NOGA) hahú prosesu ida hosi "administrasaun voluntáriu", mekanizmu ida salvamentu empreza nian ne'ebé implika nomeasaun hosi administrador independente ida ne'ebé analiza opsaun sira ne'ebé disponível.

KPMG, empreza administradora ne'ebé maka nomeadu, iha to'o semana oinmai hodi hetan komprador ida ba plataforma, ne'ebé tenki gasta liu dolar australianu millaun 50 (euro millaun 31,1) hodi hadi'a embarkasaun iha estaleiru iha Darwin.

Tuir ABC, bainhira la hetan komprador ida, kampu petrolíferu sira Laminaria ho Coralina - ne'ebé agora iha bee Timor-Leste nian - tenki dezativadu, nune'e sei obriga taka posu sira hodi impede atu sai petróleu hamutuk baril millaun 24 ba Tasi Timor.

"Bainhira posu sira la taka ho di'ak, ne'e bele iha impaktu boot iha Timor-Leste, maibé Austrália iha koñesimentu maka'as hosi dezeñu posu sira nian no klaru sira iha diálogu ho parte sira hodi garanti taka ne'e hodi labele akuza estraga ruma ba ita nia ambiente", nia hatete.

Kampu Laminaria-Coralina, ne'ebé besik iha final hosi nia moris útil, produz ona média ida baril 2.944 loron-loron iha trimestre dahuluk tinan nian, kusta ona besik dolar biliaun resin iha investimentu sira iha tinan 1999.

Dezde hahú esplorasaun, produz liu barik millaun 203 resin ho estimativu sira hosi reseita hamutuk dolar biliaun 6,8 no Governu australianu simu liu dolar biliaun 2,2, haktuir hosi ONG La'o Hamutuk.

Gualdino da Silva rekorda katak Timor-Leste agora daudaun iha akordu ida fahe produsaun nian (PSC) ne'ebé asina ho NOGA maibé ba zona ida "ne'ebé la halo parte hosi operasaun sira Laminaria-Coralina, inklui de'it parte hosi área ho lisensa hosi produsaun ne'ebé maka fó ba kampu ne'e".

Zona ne'ebé agora halo parte hosi ami nia PSC la integra kampu petrolíferu rasik. Nune'e, operasionalmente, kestaun hosi Laminaria-Coralina ne'e hanesan responsabilidade hosi entidade australianu sira iha Canberra, liuliu NOPSEMA, ne'ebé maka hasoru diretamente ho NOGA. La'ós hanesan kestaun ida ne'ebé envolve Timor-Leste", nia afirma.

Lusa

 


Comentários

Critério de publicação de comentários