Pájina aktualizada iha 12:33h, tersa-feira 10 Dezembru

Inséndiu sanulu resin akontese iha Austrália no ahi hakbesik ba Sydney

12 de Novembro de 2019, 23:56

Inséndiu sanulu resin aumenta ona iha loron-tersa ne'e tanba anin maka'as, temperatura sira ne'ebé aas no ai-horis sira ne'ebé maran, to'o ona besik iha Sydney, sidade boot hosi Austrália no ne'ebé maka hela ema hamutuk millaun lima resin.


Inséndiu ai-laran sira ne'ebé maka atinji iha loron-tersa ne'e rejiaun ne'ebé maka situa iha kilómetru balun hosi sentru Sydney nian, kapital hosi estadu Nova Gales Súl nian, iha sudeste Austrália nian.

Bombeiru sira rega ai-hun sira ho uma sira ho produtu espesial sira hodi kontrola ahi iha besik norte sidade nian.

Inséndiu rua ne'ebé akontese ona iha Turramurra, iha kilómetru 15 resin hosi norte Sydney nian, estraga ona ai-laran ida eukaliptu nian iha parke florestal ida no to'o ona uma sira ne'ebé ikusmai bele domina.

Sidade ne'e serkadu ho kalohan suar maka'as ida, bainhira uma sira, karreta sira ho estrada sira metin ho produtu mean ida hodi kontrola ahi.

"Sinza sira ne'ebé semo iha ár hamosu ona inséndiu sira iha uma sira nia oin", hatete hosi Nigel Lush, habitante lokal ida, ba ajénsia notísia AFP.

Tuir sasin hosi Julia Gretton-Roberts, moradora seluk, inséndiu hahú aumenta lalais tebes.

Andrew Connon, bombeiru, hatete ona ba AFP katak uma oioin hetan ameasa, maibé rega produtu ne'ebé halo ahi sai neineik ajuda ona hodi limiti ameasa sira ba uma sira.

Bombeiru rihun resin maka destaka ona antes iha estadu sira hosi Queensland ho Nova Gales do Sul tanba kondisaun meteorolójiku sira ne'ebé konsidera hanesan "katastrófiku" ho "la hanesan komun".

Maibé, sira la konsege impede atu inséndiu oioin akontese iha besik zona kontensaun nian.

Dezde loron-sesta, inséndiu sira iha kosta leste Austrália nian halo ona ema na'in tolu mate, estraga ona uma hamutuk 150 resin ho halo ema rihun resin maka halai.

Temperatura sira to'o grau 40 no anin sira ho kilómetru 60 tuir oras bele akontese iha loron-tersa ne'e iha kosta leste Austrália nian.

Tuir espesialista sira, kombinasaun hosi elementu sira ne'e (anin, temperatura aas ho ai-horis sira ne'ebé maran), hanesan ajuda inséndiu ai-laran sira, hanesan ne'ebé maka aat liu iha rejistu.

Anin sira ne'ebé mai hosi oeste ba leste ho rai-maran maka'as ne'ebé afeta ai-horis sira karik espalla inséndiu sira iha rejiaun sira ne'ebé povoadu iha kosta.

Inséndiu sira ne'e akontese tinan-tinan iha kontinente insular durante primavera ho veraun iha Austrália.

Tinan ne'e, temporada hosi inséndiu sira akontese sedu tebes no violentu no bele sai hanesan inséndiu ne'ebé aat liu ne'ebé maka iha rejistu.

Lusa

 


Comentários

Critério de publicação de comentários