Pájina aktualizada iha 12:33h, tersa-feira 10 Dezembru

Austrália bele selu to'o euro millaun 124 resin hodi sobu plataforma iha Tasi Timor

13 de Novembro de 2019, 01:04

Governu australianu bele selu to'o dolar australianu millaun 200 (euro millaun 124,36) hodi sobu plataforma flutuante ida petróleu nian iha Tasi Timor ne'ebé konsidera hanesan "bomba-relójiu ambiental" ida, haktuir hosi ABC News.


Regulador sira hosi área haruka ona iha fulan-Jullu hodi taka Northern Endeavor, plataforma boot ida hosi petróleu 'offshore' hosi Austrália, iha Tasi Timor, hafoin hatudu ferujen, falta hosi sistema ida kombate ida hasoru inséndiu sira no "risku hodi bele akontese asidente boot ida".

Nune'e halo empreza proprietáriu, Northern Oil and Gas (NOGA) hahú prosesu ida hosi "administrasaun voluntáriu", mekanizmu ida salvamentu empreza nian ne'ebé implika nomeasaun hosi administrador independente ida ne'ebé analiza opsaun sira ne'ebé disponível.

KPMG, empreza administradora ne'ebé maka nomeadu, iha to'o semana oinmai hodi hetan komprador ida ba plataforma, ne'ebé tenki gasta liu dolar australianu millaun 50 (euro millaun 31,1) hodi hadi'a embarkasaun iha estaleiru iha Darwin.

Tuir ABC, bainhira la hetan komprador ida, kampu petrolíferu sira Laminaria ho Coralina - ne'ebé agora iha bee Timor-Leste nian - tenki dezativadu, nune'e sei obriga taka posu sira hodi impede atu sai petróleu hamutuk baril millaun 24 ba Tasi Timor.

Kalkula katak folin operasaun, ne'ebé hakbesik ba euro millaun 124, tenki selu hosi Governu australianu, ka tuir 'media' sira hosi nasaun ne'e katak hosi antigu proprietáriu hosi posu sira, Woodside Petroleum.

Angus Karoll, proprietáriu NOGA - ne'ebé sosa ona Northern Endeavour hosi Woodside iha tinan 2016, hatete ona ba ABC katak hein atu konsege katak plataforma bele fila ba produsaun, hodi afirma katak deskomisiona "la'ós hanesan planu" hosi empreza.

Karoll apela ona ba regulador sira hodi hasai nia bandu hodi hasai petróleu ho ró sira ho korosaun, hodi permiti atu nia empreza sai hosi administrasaun voluntáriu, hodi insisti katak reparasaun sira ne'ebé presiza bele halo iha tasi.

Responsável hosi NOGA hatete ona katak nia ideia iha apoiu hosi ministru Rekursu, Matt Canavan, informasaun ne'ebé maka ministru la konkorda.

"Ha'u refere ba señór Karoll importánsia hodi kumpri kondisaun sira ne'ebé maka inklui iha orden sira [hosi órgaun regulador]. Apoiu total asaun sira [hosi órgaun regulador]", hatete hosi ministru.

"Ami nia prioridade maka seguransa hosi traballador sira hosi área petróleu ho gás no mós manten ami nia ambiente moos", nia afirma.

Kampu sira Coralina ho Laminária, ne'ebé besik hotu ona nia moris útil, prodús ona média ida baril 2.944 loron-loron iha trimestre dahuluk tinan nian, kusta ona besik dolar biliaun resin (euro millaun 910) iha investimentu sira iha tinan 1999.

Dezde hahú esplorasaun, produz liu barik millaun 203 resin ho estimativu sira hosi reseita hamutuk dolar biliaun 6,8 (euro biliaun 6,1) no Governu australianu simu liu dolar biliaun 2,2 (euro biliaun rua), haktuir hosi ONG La'o Hamutuk.

Lusa

 


Comentários

Critério de publicação de comentários