Pájina aktualizada iha 12:33h, tersa-feira 10 Dezembru

Defeza Konsumidor nian iha Timor sei avansa iha telekomunikasaun, saúde ho hahán

19 de Novembro de 2019, 22:48

Área sira hosi telekomunikasaun, saúde ho produtu sira hahán nian sei sai hanesan prioridade iha atuasaun hosi Asosiasaun Timoroan nian ba Defeza Konsumidor - Tane Konsumidor, ne'ebé hetan apoiu hosi asosiasaun hanesan portugés nian iha hakat dahuluk sira.


Iha Portugal, simu hela formasaun teórika ho prátika hosi Asosiasaun Portugeza ba Defeza Konsumidor nian (DECO), ekipa Tane Konsumidor rekoñese katak hanesan "asosiasaun joven ida iha nasaun ida ne'ebé joven" no tanba ne'e "iha asaun barak maka atu halo", haktuir hosi Rosalino Soares, fundador ida hosi organizasaun, ba Lusa.

Agora daudaun ho funsaun sira hosi asesor imprensa nian, Rosalino Soares afirma katak knaar dahuluk maka fó sai kona-ba Tane nia ezisténsia iha Timor-Leste no kona-ba kbiit ne'ebé maka organizasaun bele iha hodi defende direitu sira hosi konsumidor sira nian.

Lei hosi Defeza ba Konsumidor nian iha Timor-Leste aprova ona iha tinan 2016, iha parte oioin ne'ebé maka hanesan ho lejislasaun portugeza nian, maski presiza regulamentasaun hosi matéria balun hanesan aplikasaun hosi multa nian.

Bainhira fila ba nasaun, previstu ba final iha semana ne'e, ekipa sei kumpri planu ne'ebé halo iha projetu "Aumenta poder ho kapasita konsumidor sira iha Timor-Leste", ne'ebé halo parte iha formasaun iha DECO no ne'ebé iha finansiamentu hosi Uniaun Europeia ba tinan tolu tuirmai.

Uniaun Europeia sei apoia, liuliu, iha kapasitasaun ho apoiu ba partisipasaun, autonomia ho atitude krítika hosi konsumidor timoroan sira.

Sensibiliza autoridade públika sira ba importánsia hosi protesaun konsumidor nian hanesan objetivu seluk hosi projetu ne'e.

Tuir Rosalino Soares, "hanesan importante atu konsumidor timoroan sira sente defendidu, atu senti katak iha asosiasaun ida ne'ebé defende nia direitu lejítimu sira".

"Ami sei sai hanesan asosiasaun ida hosi vizibilidade maka'as iha sosiedade", nia hatete hodi hatutan katak :"Ami sei atua, halo kesar, reklamasaun sira kona-ba problema báziku hosi konsumidor timoroan sira nian".

Entre área prioritáriu sira atuasaun nian hosi Tane Konsumidor iha mós área sira telekomunikasaun nian, saúde ho produtu hahán sira nian.

Hosi parte sé maka fornese serbisu ho sasán sira, Rosalino Soares hein hahalok sira ne'ebé diferente: ema internasional sira toman ona defeza hosi konsumidor sira maibé ema nasional sira sei iha tauk hosi prezensa hosi asosiasaun ida ho karakterístika sira hanesan ne'e.

Ba ema hotu, Tane promete esklarese katak laiha hanoin atu kontra ema ruma. "Ami hakarak de'it prosesu konsumu ida justu, merkadu ekilibradu ida, ne'ebé la prejudika konsumidor sira".

Lusa

 


Comentários

Critério de publicação de comentários