Pájina aktualizada iha 12:23h, tersa-feira 10 Dezembru

Opozisaun australianu hakarak atu Governu apoia manutensaun hosi plataforma iha Tasi Timor

21 de Novembro de 2019, 23:53

Senador sira hosi partidu australianu rua defende ona iha loron-kinta katak Governu Austrália nian tenki halo intervensaun hodi evita fa'an ka sobu plataforma flutuante ida iha Tasi Timor.


Iha kauza maka eventual desmantelamentu, ho folin ida millaun 200 dolar australianu, hosi plataforma flutuante ida petróleu nian iha Tasi Timor, ne'ebé konsidera hanesan "bomba-relójiu ambiental" ida.

Regulador sira hosi área haruka ona, iha Jullu, taka Northern Endeavor, plataforma boot ida petróleu 'offshore' nian hosi Austrália, iha Tasi Timor, hafoin hatudu ferujen, falta hosi sistema kombate ida ba inséndiu sira no "risku atu bele akontese asidente boot ida".

Nune'e halo empreza proprietáriu, Northern Oil and Gas (NOGA) hahú prosesu ida hosi "administrasaun voluntáriu", mekanizmu ida salvamentu empreza nian ne'ebé implika nomeasaun hosi administrador independente ida ne'ebé analiza opsaun sira ne'ebé disponível.

Partidu krítiku sira Governu nian konsidera katak desizaun aumenta risku hosi seguransa petrolíferu Austrália nian, loke tan dalan ida ba Xina hodi bele aumenta nia influénsia iha rejiaun, inklui iha Timor-Leste.

Rex Patrick (hosi Aliansa Sentru nian) ho Pauline Hanson (hosi partidu extremu-direita One Nation) hakarak atu Governu australianu halo intervensaun hodi evita atu taka plataforma flutuante.

Senador na'in rua hakarak hasoru malu ho Governu hodi presiona ezekutivu hodi fó apoiu hodi nune'e ró sei halo nafatin operasaun, permanese iha "ema australianu sira nia liman".

Hanson konsidera katak NOGA hetan tratamentu injustu ho Patrick refere katak taka plataforma bele iha "implikasaun maka'as sira iha seguransa nasional", no empreza tenki tama iha administrasaun voluntáriu.

"Governu tenki foka nia atensaun hodi hetan solusaun ida, hodi labele sai fraku liu no situasaun aat ona hosi seguransa kombustível Austrália nian, agrava sala sira hosi polítika externu ho seguransa sira ne'ebé maka hal nafatin iha kosta-súl Timor-Leste nian", Patrick hatete.

"Iha kontestu hosi situasaun aat ba seguransa kombustível líkidu hosi Austrália, iha kapasidade sira hanesan ne'e ba besik 550 km hosi noroeste Darwin nian hanesan ativu nasional signifikativu ida", nia afirma.

KPMG, empreza administradora ne'ebé maka nomeadu, iha to'o semana oinmai hodi hetan komprador ida ba plataforma, ne'ebé tenki gasta liu dolar australianu millaun 50 (euro millaun 31,1) hodi hadi'a embarkasaun iha estaleiru iha Darwin.

Bainhira la hetan komprador ida, kampu petrolíferu sira Laminaria ho Coralina - ne'ebé agora iha bee Timor-Leste nian - tenki dezativadu, nune'e sei obriga taka posu sira hodi impede atu sai petróleu hamutuk baril millaun 24 ba Tasi Timor.

Kalkula katak folin operasaun, ne'ebé hakbesik ba euro millaun 124, tenki selu hosi Governu australianu, ka tuir 'media' sira hosi nasaun ne'e katak hosi antigu proprietáriu hosi posu sira, Woodside Petroleum.

Angus Karoll, proprietáriu NOGA - ne'ebé sosa ona Northern Endeavour hosi Woodside iha tinan 2016, hatete ona ba ABC katak hein atu konsege katak plataforma bele fila ba produsaun, hodi afirma katak deskomisiona "la'ós hanesan planu" hosi empreza.

Karoll apela ona ba regulador sira hodi hasai nia bandu hodi hasai petróleu ho ró sira ho korosaun, hodi permiti atu nia empreza sai hosi administrasaun voluntáriu, hodi insisti katak reparasaun sira ne'ebé presiza bele halo iha tasi.

Kampu sira Coralina ho Laminária, ne'ebé besik hotu ona nia moris útil, prodús ona média ida baril 2.944 loron-loron iha trimestre dahuluk tinan nian, kusta ona besik dolar biliaun resin iha investimentu sira iha tinan 1999.

Dezde hahú esplorasaun, produz liu barik millaun 203 resin ho estimativu sira hosi reseita hamutuk dolar biliaun 6,8 no Governu australianu simu liu dolar biliaun 2,2 , haktuir hosi ONG La'o Hamutuk.

Lusa

 


Comentários

Critério de publicação de comentários