Pájina aktualizada iha 12:33h, tersa-feira 10 Dezembru

Asesu ba informasaun ho fonte sira iha Timor-Leste hanesan dezafiu boot

24 de Novembro de 2019, 09:46

Embaixador hosi Uniaun Europeia iha Díli hatete iha loron-sábadu katak asesu ba informasaun ho fonte sira iha Timor-Leste hanesan dezafiu boot ida jornalista sira nian, hamosu susar ba nia kapasidade hodi kontribui ba kontrolu hosi finansa públika.


"Konstituisaun aponta direitu ba informasaun hanesan baze ida hosi Estadu. Maibé kontinua nafatin hanesan dezafiu importante ida asesu ba fonte sira", hatete hosi Andrew Jacobs, bainhira taka formasaun ida ba jornalista sira.

"Transparénsia ho direitu ba informasaun hanesan pré-rekizitu sira importante tebes ba auditoria sosial sira no hanesan importante rejimi ida efikaz hosi transparénsia, divulgasaun proativu, obrigatóriu ho fahe dokumentu tomak ne'ebé relasionadu ho dezenvolvimentu sira ho gastu públiku sira", nia afirma.

Jornalista timoroan na'in 20 resin hakotu ona, iha loron-sábadu, atelie jornalizmu ida iha asuntu ekonómiku-finanseiru sira, organiza iha ámbitu hosi esforsu sira hodi hadi'a kapasidade hosi kontrolu hosi finansa públika iha Timor-Leste.

Jacobs destaka ona importánsia hosi formasaun hodi ajuda fortalese kapasidade hosi "supervizaun públika hosi jestaun finanseiru Estadu nian", hodi defende tan asaun hamutuk sira ho sosiedade sivil hodi serbisu hodi halakon korupsaun.

"Meiu komunikasaun sosial hanesan fórum ne'ebé sei diskuti efikásia, transparénsia ho legalidade hosi polítika sira finansa públika nasaun nian", nia hatete hodi renova kompromisu hosi UE hodi apoia parseiru estatal sira ho la'ós estatal sira.

Nia hatete katak iha kazu ne'e hanesan hodi "aprofunda kompeténsia sira hosi jornalista timoroan sira hodi hala'o knaar jornalista sira nian iha área hosi asuntu ekonómiku", hodi fó ba jornalista sira kapasidade hodi traduz dokumentu tékniku sira iha "informasaun simples ho diretu, ne'ebé maka populasaun sira bele simu".

Cristina Faustino, adida hosi Koperasaun hosi Embaixada Portugal nian iha Díli, hatete katak hanesan klaru evolusaun hosi formandu jornalista timoroan sira nian.

"Hanesan pozitivu rona formador sira nia satisfasaun tanba interese ne'ebé hatudu hosi formandu sira, ba evolusaun durante asaun formasaun nian. Ami senti katak ami apoia hela sé maka hakarak kontribui ba dezenvolvimentu Timor-Leste nian", nia hatete.

"Forma jornalista sira konstitui objetivu ida hosi PFMO, traduz iha apoia ba dezenvolvimentu ho konsolidasaun hosi kapasidade tékniku hosi jornalista sira, kapasidade hodi halo notísia ho artigu sira iha tema sira ekonómiku-finanseiru nian", nia afirma.

Jornalista João Pedro Fonseca, hosi Lusa, destaka mós susar iha asesu ba fonte sira.

"Iha susar maka'as ne'ebé maka senti iha ne'e, hanesan ezemplu, susar barak hodi to'o iha fonte sira", nia afirma.

"Sira hatene mós mai ha'u katak ami halo diskursu polítiku barak. Sira tenki halo liután ne'e. Ema timoroan sira sira hein hela. Imi nia dever maka ho lia loos, ho populasaun, ho nasaun, la'ós ho patraun sira ka kbiit polítiku sira", nia afirma.

Ateliê jornalizmu nian iha asuntu ekonómiku-finanseiru, ne'ebé nia formador maka jornalista João Pedro Fonseca, halo parte iha programa formasaun sira hosi "Parseria hodi hadi'a prestasaun servisu sira liuhosi reforsu hosi Jestaun ho Supervizaun ba Finansa Públika iha Timor-Leste (PFMO)".

Asaun halo parte iha parseria sira entre Sentru Protokolar hosi Formasaun Profisional Jornalista nian (Cenjor) ho PFMO hodi fortalese profisional sira hosi komunikasaun sosial iha Timor-Leste.

Kursu ne'e "hakarak aumenta kapasidatasaun hosi jornalista timoroan sira iha área hosi jornalizmu iha Asuntu Ekonómiku-Finanseiru ba aplikasaun hosi feramenta nesesáriu sira hodi analiza, kestiona ho tradús informasaun kompleksa ba linguajen ida ne'ebé komprende hosi povu tomak iha temátiku hosi finansa públika nia laran, halo parte iha kontestu Timor-Leste nian", tuir hosi nota ida hosi organizador sira.

PFMO hanesan projetu ida ne'ebé selu hamutuk hosi UE, iha folin hamutuk euro millaun 12 no hosi Camões, iha folin hamutuk euro rihun 600, hodi reforsa planeamentu, jestaun, auditoria, monitorizasaun, responsabilizasaun ho supervizaun hosi uzu hosi finansa públika sira iha Timor-Leste hodi iha prestasaun di'ak ida hosi serbisu públiku.

Koñesidu ho lema ‘Osan Povu Nian, Gere Ho Di’ak’, PFMO iha nia objetivu sira hodi apoia ho reforsa sistema hosi pezu ho kontrapezu hosi ator estatal sira ho la'ós estatal sira, hodi fortalese partisipasaun hosi entidade nasional sira iha prosesu hosi foti desizaun ho supervizaun ba finansa públika.

Hala'o mós kursu jornalizmu radiofóniku seluk ida ba jornalista na'in 20 hosi rádiu komunitáriu sira hosi zona oioin Timor-Leste nian.

Lusa

 


Comentários

Critério de publicação de comentários