Pájina aktualizada iha 12:23h, tersa-feira 10 Dezembru

Konferénsia internasional debate iha Díli kriminalidade ekonómiku ho finanseiru

26 de Novembro de 2019, 23:26

Iha semana oinmai, kapital sei simu konferénsia internasional ida kona-ba kriminalidade ekonómiku ho finanseiru ne'ebé, tuir organizador sira, hakarak debate ho troka esperiénsia sira kona-ba dezafiu sira iha área ne'e iha Timor-Leste.


Durante loron tolu, entre loron-kuarta ho loron-sesta, partisipante sira hosi Portugal ho Timor-Leste, no seluk tan, sei analiza aspetu oioin hosi kriminalidade ekonómiku ho finanseiru, iha asaun ida ne'ebé halo parte iha "Parceria para a melhoria da prestação de serviços através do reforço da Gestão e Supervisão das Finanças Públicas em Timor-Leste” (PFMO).

"Ameasa interna sira ho externa ne'ebé mai hosi ajente sira ne'ebé envolve iha krimi sira ekonómiku ho finanseiru aumenta no presiza esforsu nasional ho internasional ida hodi asegura nia kombate", refere hosi nota ida hosi organizador sira ne'ebé maka haruka ba Lusa.

Sira refere katak hanesan asaun kriminalidade ida ne'ebé "laiha fronteira" no ne'ebé prevensaun ho kombate "presiza resposta hosi Estadu tomak, liuliu, hosi sistema judisial, judisiáriu ho polisial".

Enkontru halibur espesialista sira hosi universidade oioin no sentru sira investigasaun nian no reprezentante sira hosi ajente justisa oioin timoroan nian.

Iha loron-kuarta, no tuir informa hosi organizador sira, eis-ministru hosi Administrasaun Interna portugeza, Anabela Miranda Rodrigues, sei halo palestra ida kona-ba direitu penal ekonómiku.

Jorge dos Reis Bravo, majistradu hosi Ministériu Públiku portugés sei analiza krimi ekonómiku ho finanseiru, Unidade hosi Investigasaun Finanseiru timoroan maka halo aprezentasaun kona-ba brankeamentu kapital.

Iha loron daruak serbisu nian sei domina ho tema Brankeamentu Kapital ho Finansiamentu hosi Terorizmu (BC/FT) ho intervensaun ida hosi Mariana Raimundo kona-ba modelu legal ho orgániku hosi prevensaun ho kombate ba kriminalidade ne'e.

Advogadu timoroan José Teixeira analiza esperiénsia Timor-Leste iha prevensaun ho kombate hosi BC/FT, iha debate ne'ebé sei modera hosi jornalista Eduardo Dâmaso ho majistradu portugés João Conde Correira aprezenta tema "rekuperasaun hosi ativu sira".

Iha loron datoluk ho loron ikus iha ajendadu palestra ida hosi Susana Aires de Sousa, hosi Universidade Katólika, kona-ba "fraude iha obtensaun hosi subsídiu sira ho desviu hosi subsídiu sira" no ida seluk hosi Mário Ferreira Monte, hosi Universidade Minho, kona-ba tutela penal hosi konsumidor iha nasaun sira ne'ebé iha dezenvolvimentu.

Enkontru sei analiza mós krimi sira ho direitu sira hosi konsumidor sira ho dezafiu sira hosi prevensaun hosi krimi ekonómiku ho finanseiru iha Timor-Leste.

Lusa

 


Comentários

Critério de publicação de comentários