Pájina aktualizada iha 12:23h, tersa-feira 10 Dezembru

Timor-Leste fó apoiu orsamental hamutuk dolar 300.000 ba Guiné-Bissau

27 de Novembro de 2019, 20:20

Ajénsia Koperasaun Timor-Leste nian entrega ona, iha loron-tersa, ba Governu Guiné-Bissau, iha ámbitu hosi koperasaun téknika entre nasaun rua, apoiu finanseiru ida hamutuk dolar 300.000.


"Ho honra boot maka Governu ho povu Timor-Leste nian desidi entrega dolar 300.000 hosi koperasaun tékniku hosi apoiu orsamental nian", afirma hosi Libório Pereira, reprezentate hosi Ajénsia Koperasaun Timor-Leste nian iha Bissau.

Tuir Libório Pereira, apoiu halo parte iha "determinasaun hosi Governu Timor-Leste nian hodi kontribui ba dame ho seguransa internasional liuhosi apoiu hosi asaun sira ne'ebé promove konsolidasaun hosi rejimi demokrátiku sira, respeitu hosi direitu ema nian no kumpri valor sira ne'ebé importante tebes hosi solidariedade internasional nian".

Iha deklarasaun sira ba komunikasaun sosial, hafoin asina tiha donativu iha sede hosi ajénsia koperasaun timoroan nian iha Bissau, Libório Pereira felista mós ema guiniense sira ba oinsá hala'o votasaun ba eleisaun prezidensial sira iha loron-domingu.

"Hodi Governu Guiné-Bissau nia naran ha'u iha prazer hodi agradese jestu hosi solidariedade Timor-Leste nian iha kuadru hosi relasaun bilateral sira koperasaun nian entre nasaun rua", afirma hosi ministru Finansa guiniense nian, Geraldo Martins.

Ministru Finansa lembra mós katak Timor-Leste apoia nafatin Guiné-Bissau iha área oioin no osan sei iha "utilizasaun di'ak" iha kuadru hosi Orsamentu Jeral Estadu nian iha 2019 nian.

Lusa

 


Comentários

Critério de publicação de comentários