Pájina aktualizada iha 12:23h, tersa-feira 10 Dezembru

Banku Mundial aprova estratéjia foun ba apoia Timor-Leste ne'ebé sentra iha kresimentu

27 de Novembro de 2019, 22:59

Kresimentu ekonómiku, infraestrutura sira ho kapital humanu hanesan baze prinsipal tolu hosi Kuadru Parseria (CPF) foun ba tinan 2020-2024 hosi Banku Mundial ba Timor-Leste, ne'ebé aprova iha loron-kuarta ne'e hosi diresaun instituisaun nian.


Tuir Banku Mundial, kuadru foun hakarak "apoia Governu Timor-Leste iha mudansa hosi nia rikusoin natural iha kapital humanu di'ak liu no infraestrutura sustentável".

Fonte ofisial hosi instituisaun esplika ona ba Lusa katak pakote total hosi asisténsia aumenta ba dolar millaun 100 resin iha empréstimu konsesionadu sira.

Hosi folin ne'e, dolar millaun 60 ba estrada sira, dolar millaun 25 ba bee ho saneamentu no dolar millaun 15 ba edukasaun.

Estratéjia foun hosi tinan lima aliña ho Planu Estratéjiku ba Dezenvolvimentu Timor-Leste nian (2011-2030) no ho esforsu sira hosi Governu timoroan hodi lori Timor-Leste ba grupu hosi nasaun sira ho rendimentu médiu, iha tinan 2030, hodi halakon kiak maka'as.

"Timor-Leste halo ona progresu importante sira hodi hetan nia objetivu sira dezenvolvimentu nian dezde independénsia iha tinan 2002", hatete hosi diretor interinu ba Indonézia ho Timor-Leste, Rolande Pryce.

"Maibé, dezafiu prinsipal sira sei iha nafatin liuliu iha dezenvolvimentu hosi kapital humanu no iha hadi'a kualidade hosi gastu públiku sira. QP ne'e tuir kompromisu iha prazu naruk hosi Banku Mundial ho Timor-Leste", nia refere mós.

Nia subliña katak estratéjia "sei apoia Governu hodi fortalese nia sistema sira hosi jestaun finanseira públika ho selu investimentu sira iha edukasaun, bee ho saneamentu ho infraestrutura hosi koneksaun".

Responsável nasional hosi IFC ba Timor-Leste, Indonézia ho Malázia, Azam Khan, subliña ona importánsia hosi knaar setór privadu nian "hodi diversifika ekonomia Timor-Leste nian no aumenta mós asesu hosi ema sira ba serbisu sira ho fornese infraestrutura sira ne'ebé presiza".

"Área potensial sira hodi aumenta partisipasaun hosi setór privadu inklui agronegósiu ho turizmu, ne'ebé sei apoia diversifikasaun ekonómiku no sei ajuda kria empregu sira ne'ebé presiza hodi nune'e ema sira bele hala'o nia potensial. Aleinde ne'e, knaar hosi área privadu hodi hadi'a asesu ba finansiamentu sei ajuda empreza ki'ik sira ho empreza médiu sira liuliu sira ne'ebé maka kaer hosi feto sira hodi bele aumenta tan", nia konsidera mós.

Entre medida sira seluk, estratéjia foun aposta iha "fortalesimentu hosi baze sira ba kresimentu lidera hosi setór privadu, liuliu iha agrikultura ho turizmu", hatete hosi Azam Khan.

Hakarak apoia mós hodi hadi'a kualidade hosi serbisu públiku sira, ho investimentu sira iha edukasaun, saúde, protesaun sosial, bee ho saneamentu ho aumenta produtividade "hodi liga komunidade sira, liuliu agrikultor sira, liuhosi investimentu sira iha transporte ho infraestrutura dijital".

Estratéjia sei hala'o hosi organizasaun sira ne'ebé halo parte hosi grupu Banku Mundia, ne'ebé inklui Korporasaun Finanseiru Internasional (IFC), ne'ebé sentra iha setor privadu, no Ajénsia Multilateral hosi Garantia Investimentu nian (MIGA), ne'ebé disponibiliza seguru hasoru risku polítiku sira ho garantia hodi hadi'a kréditu sira.

Estratéjia foun hanesan sustenta hosi Diagnóstiku Sistemátiku ida Nasaun nian (SCD), análize ida boot hosi oportunidade sira ho dezafiu sira iha Timor-Leste, reflete mós konsulta sira ho Governu, parseiru sira dezenvolvimentu nian, setor privadu, sosiedade sivil ho akademia.

Lusa

 


Comentários

Critério de publicação de comentários