Pájina aktualizada iha 12:23h, tersa-feira 10 Dezembru

Embaixada Portugal nian iha Díli renova esforsu sira hodi halo lalais prosesu sira nasionalidade nian

27 de Novembro de 2019, 23:32

Embaixada Portugal nian iha Díli informa ona, iha loron-segunda, ba utente sira ne'ebé halo nafatin esforsu sira hodi buka aselera prosesu sanulu resin hosi pedidu nasionalidade nian ne'ebé loron-loron to'o iha postu konsular ne'e.


"Embaixada Portugal halo nafatin esforsu boot ida hodi halo lalais prosesu sira nasionalidade nian no hodi hatudu asaun ne'e maka, iha fulan ida liubá permiti ona, ho títulu esepsional, atu ema sira ne'ebé husu entrega, lahó markasaun, resposta hosi Parókia ba ofísiu Embaixada nian", refere hosi nota ida ne'ebé fó sai iha pájina ofisial hosi embaixada nian iha Facebook.

Atu prosedimentu foun ne'e bele funsiona, presiza "kolaborasaun hosi ema tomak, liuliu hosi ema sira ne'ebé maka iha interese".

Maibé, "semana-semana númeru aumenta no ladún iha orden ba númeru hosi ema sira ne'ebé maka konsentra iha ne'e, impede asesu ba utente sira seluk ho ba funsionáriu sira hodi tama iha Embaixada, obrigada tama, dalabarak hamosu risku ba integridade fíziku ba ema ruma ne'ebé maka iha odamatan, laiha respeitu ba regra báziku sira hosi urbanidade nian", refere.

Subliña katak hanesan motivu hodi Embaixada Portugal "obrigada, tanba razaun sira hosi orden públika ho seguransa, hodi hahú fali regra atendimentu nian, ba ema tomak, liuhosi de'it markasaun".

Iha nota ne'ebé fó sai iha loron-segunda ne'e, Seksaun Konsular hosi Embaixada Portugal nian iha Díli la konkorda ho informasaun sira ne'ebé hatete katak suspende tiha atendimentu.

"La'ós de'it atende loron-loron ema sanulu resin ho markasaun, iha maioria hanesan sidadaun timoroan sira ne'ebé husu nasionalidade portugeza, hanesan akontese ona, iha fulan hirak ikus ne'e, aumenta mós vaga sira ba ajendamentu hosi pedidu sira nasionalidade nian no sertifikasaun hosi dokumentu sira", refere hosi testu.

Tensaun hosi utente sira iha embaixada nia liur hamosu, iha semana liubá, destakamentu hosi ajente sira hosi Brigada Móvel Polísia nian (BOP) hosi Polísia Nasional Timor-Leste (PNTL) nian hodi fahe ema sira ne'ebé maka konsentra iha fatin.

Iha semana liubá, situasaun halo susar maka'as ba asesu ba Embaixada, ba funsionáriu sira no mós ba utente sira seluk, inklui ba ema sira ne'ebé hakarak tama ba Sentru Kultural Portugés nian.

"Iha semana liubá funsionáriu sira la konsege tama no, tanba ne'e, ami husu fali pedidu hodi iha seguransa iha odamatan, liuliu tanba mosu boatu sira katak sei bele hahalok ne'ebé la pasífiku", esplika hosi fonte diplomátika.

"Hanesan kestaun ida hosi ordem públika iha Embaixada nia liur. No iha ámbitu ne'e, autoridade timoroan sira tenki garanti seguransa ho asesu ba instalasaun sira", hatutan mós.

Joven sira senti frustadu ho demora iha prosesu, ho balun hatete katak iha pedidu pendente dezde tinan 2015 ka 2016 no ne'ebé laiha mós informasaun kona-ba bainhira maka iha desizaun ida.

Nasionalidade portugeza hanesan asesível ba timoroan ida ne'ebé moris to'o loron 19 Maiu 2002, loron antes Timor-Leste restaura nia independénsia no husik ona, iha nível formal, sai hanesan "teritóriu ida ne'ebé la autogovernadu ho administrasaun portugeza".

Ho númeru funsionáriu sira ne'ebé ki'ik - iha ema na'in lima maka halo prosesu ba asaun konsular tomak - no entrada diáriu ba pedidu nasionalidade foun nian entre 45 to'o 60, hanesan susar ona hodi hetan nasionalidade halo asaun sai susar liután.

Aleinde volume rasik, prosesu sira sai komplikadu liu tanba aprezenta, iha kazu barak, dokumentu hosi parókia de'it ka prova sira ne'ebé la adekuadu hosi rejistu moris nian, nune'e aumenta kazu sira fraude no falsifikasaun dokumentu nian.

Iha pasadu, prosesu barak maka haruka ona ba Konservatóriu hosi Rejistu Sentral sira iha Lisboa no, bainhira iha dúvida, haruka fali ba Timor-Leste hodi verifika, implika iha prátika atu funsionáriu konsular ida ba parókia rasik hodi komprova rejistu moris nian.

Embaixada muda ona prosedimentu sira no agora halo verifikasaun sira hosi pedidu tomak iha Timor-Leste, antes prosesu sira haruka ba Lisboa, buka hamenus nune'e posibilidade hodi rejeita no atrazu sira seluk ne'ebé maka bele mosu.

Bainhira iha Díli ho aredor sira hanesan fásil ba prosesu ne'e, prosesu sira hanesan komplikadu ba parókia sira seluk ne'ebé dook, iha kazu barak hanesan rejistu sira hosi igreja sai hanesan fonte hosi informasaun moris nian.

Lusa

 


Comentários

Critério de publicação de comentários