Pájina aktualizada iha 12:23h, tersa-feira 10 Dezembru

Banku Mundial aposta hodi hadi'a kapital humanu ho infraestrutura sira Timor-Leste nian

28 de Novembro de 2019, 01:04

Banku Mundial aprova ona, iha loron-kuarta, planu estratéjiku foun hodi apoia Timor-Leste, ho objetivu "transforma nia rikusoin natural iha kapital humanu ne'ebé di'ak ho infraestrutura sustentável sira hanesan aspetu prinsipal rua" hosi dokumentu.


Estratéjia foun ho tinan lima aprezenta dalan ida ba nasaun hodi hetan estatutu hosi nasaun iha rendimentu médiu ho halakon kiak maka'as to'o tinan 2030, hakerek iha komunikadu ne'ebé fó sai iha loron-kuarta ne'e iha Washington.

"Banku Mundial sei foka iha fortalesimentu hosi setor privadu, ne'ebé sei insentiva kresimentu ekonómiku, liuliu iha agriultura ho turizmu, iha hadi'a kualidade hosi serbisu públiku liuhosi promosaun ba investimentu sira iha edukasaun, saúde, protesaun sosial, bee ho saneamentu, ho aumenta produtividade liuhosi ligasaun hosi komunidade sira, liuliu agrikultor sira, liuhosi investimentu sira iha transporte ho infraestrutura dijital", hatutan hosi dokumentu.

Estratéjia sei halo de'it la'ós hosi Banku Mundial no Koperasaun Finanseiru Internasional - aliadu BM nian ba setor privadu -, maibé mós hosi Ajénsia Multilateral hosi Garanti Investimentu sira nian (MIGA) ne'ebé oferese seguru sira hosi risku polítiku nian ho garantia sira hosi kréditu vantajozu nian.

Tuir diretor hosi Banku Mundial ba Indonézia ho Timor-Leste katak "setór privadu hanesan importante hodi diversifika ekonomia nasaun nian no aumenta mós asesu hosi ema sira ba serbisu sira ho fornese infraestrutura sira ne'ebé presiza".

Área prinsipal sira hodi aumenta partisipasaun hosi setór privadu inklui agronegósiu ho turizmu, ne'ebé sei sustenta diversifikasaun ekonómiku ho ajuda harii empregu sira ne'ebé maka ema sira presiza hodi kumpri nia potensial", hatete hosi Roland Pryce.

Lusa

 


Comentários

Critério de publicação de comentários