Pájina aktualizada iha 12:33h, tersa-feira 10 Dezembru

Ezekusaun orsamental kontinua ki'ik iha parte final tinan nian

02 de Dezembro de 2019, 21:26

Estadu ezekuta de'it to'o final Novembru 68% hosi Orsamentu Jeral Estadu (OJE) 2019 nian, tuir informasaun hosi Portal Transparénsia hosi Ministériu Finansa nian.


Iha konkretu, Estadu ezekuta de'it osan biliaun resin hosi dolar biliaun 1,48 ne'ebé maka orsamentadu, ho ezekusaun aumenta ba 77% bainhira kontabiliza kompromisu sira ne'ebé asumi.

Iha nível kategoria sira, taxa sira hosi ezekusaun ki'ik liu duké kapital menor (32%), hosi kapital dezenvolvimentu (47%) no hosi despeza kontijénsia nian (52%), tuir sasán ho serbisu sira (68%), saláriu sira (81%) no transferénsia públika sira (89%).

Maski tinan fiskal hala'o to'o 31 Dezembru, iha prátika ba kuaze totalidade hosi pagamentu sira tenki hala'o antes, tanba kuaze iha fin hosi sistema jestaun finanseiru nian, koñesidu ho naran 'free balance', ne'ebé maka uza hodi halo pagamentu sira.

Dekretu orsamentu determina katak kompromisu Estadu nian [liuhosi Formuláriu Kompromisu Pagamentu (FCP)] to'o final tinan tenki lansa to'o loron 30 Novembru, bainhira iha kazu esepsional sira ne'ebé maka bele justifikadu.

Loron 20 Dezembru hanesan loron limite ba pedidu sira pagamentu nian.

Valor sira hosi ezekusaun ki'ik nian uza nafatin hanesan argumentu, iha bankada sira ezekutivu nia laran iha parlamentu, hodi justifika diminuisaun maka'as ida, to'o 1/3, hosi folin ne'ebé maka hato'o iha proposta ba OJE ba tinan 2020.

Iha debate ko'alia beibeik diminuisaun hosi atual dolar biliaun 1,95 hosi proposta ba folin ida entre dolar biliaun 1,3 no 1,6.

Governu aprezenta nafatin justifikasaun oioin ba diminuisaun hosi taxa ezekusaun, inklui sira ne'ebé sei hein simu pose, hosi Prezidente Repúblika, membru Governu hamutuk sanulu resin.

Maibé, informasaun hosi portal hatudu katak iha ministériu oioin, ne'ebé iha titular interinu, ezekusaun aas liu duké média ba Governu tomak, liuliu Ministériu hosi Asuntu hosi Kombatente sira Libertasaun Nasional nian (93,4%) ho Ministériu Interior (84,9%).

Iha Ministériu hosi Administrasaun Estatal (83%), hosi Petróleu ho Rekursu Mineral sira (81,9%) ho Saúde (81,9%) rejista taxa ezekusaun ne'ebé aas liu hosi média Governu nian.

Informasaun parsial sira seluk hatudu taxa ezekusaun ida hosi 62,4% hosi Fundu Infraestrutura sira, hosi 82,8% no hosi 83,2% ba Ministériu Obras Públikas ho Edukasaun, Juventude ho Desportu.

Fundu hosi Kaputal Humanu rejista taxa ezekusaun ida hosi 83,5%.

Lusa

 


Comentários

Critério de publicação de comentários