Pájina aktualizada iha 12:23h, tersa-feira 10 Dezembru

Primeiru-ministru hatete katak Orsamentu ba tinan 2020 hanesan importante hodi dezenvolve nasaun

02 de Dezembro de 2019, 22:02

Iha loron-segunda ne'e primeiru-ministru defende ona katak despeza aas hosi Orsamentu Jeral Estadu nian (OJE) ba tinan 2020, ne'ebé hetan krítika hosi mós bankada sira Governu nian iha parlamentu, hanesan importante hodi hadi'a kondisaun sira moris iha nasaun.


"Maski hanesan ambisiozu ho ariskadu, proposta orsamental ne'ebé maka aprezenta hanoin iha risku sira ne'ebé iha asosiasaun ho proposta, liuliu iha matéria hosi sustentabilidade hosi Fundu Petrolíferu", afirma hosi Taur Matan Ruak ne'ebé ko'alia iha inísiu hosi debate iha jeneralidade hosi proposta OJE ba tinan 2020.

"Maibé, iha importánsia boot ba rekoñesimentu hosi nesesidade hodi aposta nafatin iha realizasaun hosi investimentu estratéjiku sira ba sustentabilidade hosi ita nia ekonomia ho futuru nasaun nian, nune'e mós ba nesesidade hosi reforsa investimentu públiku ne'ebé destina ba dezenvolvimentu lokal ho komunitáriu, determinante ba koezaun teritorial ho hodi hadi'a kondisaun moris sira hosi ita nia populasaun", nia hatete.

Proposta OJE nian, ne'ebé hamosu krítika sira hosi deputadu sira hosi bankada oioin, aumenta ba dolar biliaun 1,95, ho proposta ne'ebé bele hamenus total hosi gastu sira iha tinan 2020 ba valor ida entre biliaun 1,3 no 1,6.

Primeiru-ministru desdramatiza preokupasaun sira kona-ba impaktu hosi levantamentu hosi Fundu Petrolíferu (fonte prinsipal hosi reseita sira OJE nian) no nota katak preokupasaun ne'e la hatudu bainhira, iha tinan 2016, aprova ona iha Timor-Leste OJE ida ne'ebé boot tebes, ho levantamentu total hosi fundu ba osan besik dolar biliaun 1,74.

Levantamentu ida ne'ebé ultrapasa ona proposta ba tinan 2020 iha dolar millaun 208.

La ignora preokupasaun sira ne'ebé hatudu kona-ba valor OJE nian, Taur Matan Ruak hatete katak "governu implika foti desizaun susar sira hodi hanoin nafatin tuir referénsia ba kontinuasaun hosi interese públiku".

Opiniaun sira ne'ebé la hanesan kona-ba limiti hosi gastu sira hanesan "manifestasaun hosi vitalidade" ida hosi demokrasia timoroan no risku sira ne'ebé asosiadu ba proposta OJE "kalkula ona" hodi la hamosu kauza ba sustentabilidade hosi futuru fundu nian, nia afirma.

Bainhira aprezenta balansu ida ne'ebé "pozitivu tebes" hosi mandatu durante fulan 18 ne'e, líder hosi Governu hatete katak bainhira hili koligasaun Aliansa Mudansa ba Progresu (AMP), ho maioria absoluta, ema timoroan sira "desidi ona katak to'o ona tempu hodi muda pájina" hafoin inserteza sira.

"Tempu hodi fila ba normalidade loloos no hodi aposta iha impulso foun no forte ida ba investimentu, hodi estimula atividade hosi setor privadu, kresimentu hosi ita nia ekonomia ho moris di'ak povu nian", nia hatete.

"Ita konsege ultrapasa ona inserteza sira ho konkista esperansa ho konfiansa hosi ema timoroan sira no hosi organizasaun sira hosi ita nia sosiedade sivil, iha projetu ambisiozu hosi Governu ne'ebé hakarak promove klima hosi estabilidade polítika, finanseiru ho ekonómiku iha ita nia teritóriu nasional tomak", nia afirma.

Bainhira hanoin hikas dezafiu sira ne'ebé maka Governu hasoru, liuliu ba nomeasaun ne'ebé Prezidente la hatán ba membru ezekutivu nomeadu hamutuk na'in sanulu resin, primeiru-ministru hatete katak iha posibilidade rekuperasaun neineik ida hosi ekonomia "iha diresaun ba nível sira hosi kresimentu sira ne'ebé maka rejista to'o tinan 2016".

Rekuperasaun ne'e, ho kresimentu hosi PIB, iha tinan ne'e, bele to'o 5,1% no ultrapasa 7% iha 2020, no "estabilidade polítika ho sosial" permiti ona, ba Taur Matan Ruak, "kresimentu hosi atividade hosi ekonomia nasional nian".

Previzaun maka atu konsumu hosi família sira aumenta 3% iha tinan 2020, kontribui ba diminuisau ida hosi Taxa Pobreza nian, iha tinan ne'e, ba 31,8%, menus 10% duké iha tinan 2014.

Rezultadu sira ne'ebé akontese tanba serbisu hosi ema tomak ne'ebé aposta iha estabilidade polítika no sosial ho hosi esforsu Governu nian hodi "hetan solusaun sira hosi kompromisu entre instituisaun tomak Estadu" nian, nia defende.

Taur Matan Ruak refere ona ba esforsu sira hodi hadi'a kualidade hosi serbisu timoroan sira nian no repete ona "objetivu ambisiozu" hosi kriasaun serbisu rihun 60 tinan-tinan, númeru ida ne'ebé la kumpri iha tinan 2019.

"Governu iha konsiénsia katak sei la hanesan knaar fásil hodi to'o iha objetivu ambisiozu sira ne'e hotu no hato'o de'it ba tinan ida, maibé ha'u bele garanti ba imi katak hanesan ami nia intensaun firmi hodi mantén dalan ne'ebé maka ami defini no ne'ebé merese apoiu hosi Parlamentu Nasional, hodi bele halibur hamutuk hosi espíritu ida leal koperasaun institusional no iha respeitu maka'as ba responsabilidade konstitusional sira hosi ema ida-idak hodi bele hetan objetivu sira ne'ebé previstu iha Programa Governu nian, to'o lejislatura ne'e nia rohan", nia hatete.

Ho ekonomia ida ne'ebé depende hosi Estadu hanesan motor kresimentu nian, ezekutivu sei kontinua serbisu nafatin hodi hadi'a kondisaun nasional sira hodi "liberta povu hosi kiak no hamlaha", "dezígniu nasional ida ne'ebé importante tebes" hodi garanti uniaun ho prosperidade nasional sira", nia subliña.

Lusa

 


Comentários

Critério de publicação de comentários