Pájina aktualizada iha 12:33h, tersa-feira 10 Dezembru

Fundasaun Mahein alerta ba falta regulamentasaun kona-ba konsumu tua nian iha nasaun

03 de Dezembro de 2019, 22:05

Fundasaun Mahein alerta ona, iha loron-tersa ne'e, kona-ba falta regulamentasaun iha konsumu tua nian ne'ebé hamosu konfrontu sira ho asidente sira iha estrada sira maibé, liuliu, iha aumentu hosi violénsia doméstika iha Timor-Leste.


"Tenki fó atensaun maka'as ba manifestasaun públiku sira hosi abuzu tua nian: asidente tránzitu sira ho mate sira. Presaun sosial ba parte livre hosi hemun álkol sira iha kazamentu sira, festa sira ho serimónia kultural sira halo eventu balun transforma iha kombate sira ne'ebé iha baze hosi tua", indika hosi ONG Fundasaun Mahein (FM) liuhosi komunikadu.

"Maibé kazu sira ne'ebé maka mosu liu maka kazu hosi mane sira ne'ebé lanu iha parte públiku la halo konfrontu sira iha estrada maibé iha nia uma rasik ho abuzu ba feen ho oan sira", refere.

Diretor interinu hosi FM, João Almeida, esplika ona katak informasaun sira konfirma impaktu hosi tua iha violénsia doméstika, ho 38% hosi feto timoroan sira terus violénsia hosi sira nia laen, "ho denominador komun ne'ebé haktuir liu hosi violénsia maka laen sira ne'ebé lanu".

Tuir estudu oioin, 60% hosi feto sira hanesan objetivu hosi violénsia doméstika ne'ebé haktuir katak sira nia laen lanu "beibeik".

Estudu ida hosi ONG Belun indika ona katak "kazu barak hosi abuzu doméstiku hahú ho kesar sira hosi feto sira hasoru desizaun sira hosi laen ka hosi oan-mane sira hodi gasta osan hodi sosa tua no la sosa nesesidade família nian".

Timor-Leste hanesan nasaun úniku iha rejiaun ne'ebé laiha "tinan mínimu hodi hemu ka sosa, bandu fa'an tua ka limitasaun iha anúnsiu sira ne'ebé iha relasaun ho tua", hatete hosi FM ne'ebé konsidera hanesan importante trava "roda livre ba tua nian" iha nasaun.

Aleinde fasilidade hodi iha asesu ba tua, FM refere ona katak fabriku tradisional hosi 'tua sabu' ho 'tua mutin' maka "reprezenta liuhosi metade hosi konsumu tomak álkol nian".

"FM senti perturbadu ho falta hosi regulamentasaun ne'e no medida sira kontrolu ba tua nian iha ita nia nasaun, liuliu tanba maioria hosi ema timoroan sira laiha rekursu hodi hasoru ho impaktu hosi tua", nia refere.

Hanesan ezemplu, FM indika ona komemorasaun sira hosi Loron Matebian, iha inísiu fulan-Novembru, ne'ebé rejista ona "relatu frekuente ho perturbador hosi violénsia, liuliu iha Maliana ho Baucau".

"Feriadu ida ne'ebé importante liu iha Timor-Leste, lulik ba ita nia bei'ala sira, agora iha risku la'ós de'it ba família maibé mós sinónimu hosi violénsia", subliña hosi FM.

"Loron Matebian tuir loloos tenki honra ita nia mate sira, la aumenta kontajen mate-isin nian. No agora, bainhira ita tama iha Dezembru no ita haree ba férias sira tuirmai, FM tauk atu haksolok hosi fulan nian hetan interupsaun hosi fakar raan maka'as", hatutan hosi ONG.

Violénsia ida ne'ebé atribui ona "ba grupu sira hosi arte marsial ne'ebé mak aalimenta hosi tua".

Lusa

 


Comentários

Critério de publicação de comentários