Pájina aktualizada iha 21:29h, kinta-feira 23 Janeiru

Ramos-Horta halo krítika ba Governu tanba situasaun hosi setor aéreu

18 de Dezembro de 2019, 21:12

Eis-Prezidente Repúblika José Ramos-Horta halo ona, iha loron-kuarta ne'e, krítika sira hasoru Governu, liuliu ba Ministériu Transporte, tanba problema sira ne'ebé maka setor aviasaun iha Timor-Leste hasoru nafatin.


Iha mensajen ne'ebé fó sai iha Facebook, José Ramos-Horta akuza ministériu ba falta korajen no nia responsável sira hatudu "provinsionizmu", liuliu tanba kontinua permiti monopóliu hosi grupu indonéziu Garuda, iha ligasaun entre Díli ho Bali.

"Bainhira maka Ministériu Transporte ho Komunikasaun sei hatudu korajen hodi defende interese sira Timor-Leste nian no kansela direitu semo sira Bali-Díli ba kompañia aéreu Sriwijaya, subsidiáriu Garuda nian", nia kestiona iha mensajen ida.

"Kompañia aéreu ne'e kaer monopóliu, ilegal, hosi lisensa sira semo nian ba Timor-Leste, lisensa sira ne'ebé fó sai hosi señór "matenek" sira hosi 'ita' nia Ministériu Transporte sira ho Komunikasaun nian. Iha kompañia sira seluk hosi aviasaun indonéziu sira ne'ebé kredível ne'ebé maka iha interese hodi halo dalan lukrativu ne'e", nia refere.

Komentáriu sira hosi Ramos-Horta mosu iha sekuénsia hosi notísia sira Lusa nian ne'ebé hatete katak pasajeiru sanulu resin afetadu iha semana ne'e tanba problema sira ho ligasaun aéreu sira hosi kompañia indonéziu Sriwijaya entre Díli ho Bali, hamosu susar ligasauns ira ba destinu sira seluk no planu sira férias Natal nian.

Semo iha loron-segunda kansela tiha no iha loron-tersa to'o iha Díli ho oras atrazu maka'as.

"Sriwijaya tuir loloos labele halo operasaun tanba razaun sira seguransa nian. Responsável ba manutensaun ho seguransa rasik hosi kompañia, iha relatóriu internu, alerta ona ba gravidade hosi estadu manutensaun hosi dalan Sriwijaya nian", hakerek hosi Ramos-Horta.

"Ministériu Transporte ho Komunikasaun TL nian hanesan koresponsável ba situasaun ne'e tanba fó permisaun semo sira ba Timor-Leste ba kompañia aat ida iha mundu", nia refere.

Folin aas sira hosi viajen hosi Timor-Leste no ba Timor-Leste hetan mós krítika.

"Ema ruma iha Governu halo parte ho Garuda, sai kúmplise iha monopóliu ho naok maka'as ne'ebé maka halo hosi grupu ne'e. Pasajeiru sira tenki halo kesar ba naok ne'e iha instituisaun sira hosi aviasaun internasional sira", Horta refere.

"No denunsia kumplisidade ho inkompeténsia hosi Ministériu Transporte ho Komunikasaun Timor-Leste nian ne'ebé la halo buat ida hodi defende interese sira hosi pasajeiru sira nian no hosi Estadu timoroan nian", nia konsidera mós.

Iha 'post' oioin ho komentáriu sira, Ramos-Horta hatete katak Governu kontinua la hili opsaun sira "hodi rezolve definitivu dezafiu sira hosi konektividade aéreu" Timor-Leste nian.

"Hanesan klaru katak funsionáriu atual sira hosi Ministériu ne'ebé serbisu durante tinan sanulu resin laiha formasaun tékniku-profisional ka iha interese la lejítimu sira ne'ebé maka kompromete sira", nia hakerek.

"Hanesan totalmente inkomprensível oinsá lutiha kuaze tinan 20 laiha entidade públika timoroan ida maka responsável ba área estratéjiku ne'ebé maka aprezenta estratéjia ida no planu konkretu sira hodi asegura ligasaun total aéreu nian ho rejiaun", refere Ramos-Horta.

Ba eis-Prezidente, faktu tanba laiha solusaun ba problema ne'e no mós ba modernizasaun ka di'ak iha aeroportu internasional Díli nian - ne'ebé, hanesan ezemplu, semo kalan sira labele halo nafatin - "hatudu de'it provinsianizmu hosi governante sira nian".

"Konektividade aéreu iha Timor-Leste bainhira hanesan metade illa nian no Estadu soberanu tenki konsidera matéria ida hosi Seguransa Nasional ho nível hanesan hosi defeza, seguransa ho diplomasia", nia sustenta.

Lusa

 


Comentários

Critério de publicação de comentários