Pájina aktualizada iha 21:25h, kinta-feira 23 Janeiru

Sagres hahú viajen ne'ebé liuhosi Tókio no sei avalia estadu hosi oseanu sira nian

07 de Janeiro de 2020, 00:09

Iha loron-domingu ne'e, ró-eskola Sagres hahú ona viajen hosi sirkum-navegasaun, ho partidu hosi Lisboa, iha perkursu hosi loron 371 ne'ebé sei iha, entre pontu importante sira, sei to'o iha Tókio no dezenvolvimentu hosi projetu sientífiku sira iha ró laran.


Iha ró laran iha elementu guarnisaun hamutuk na'in 142, entre sira feto na'in haat, nune'e mós instruendu sira hosi Aporvela - Asosiasaun Portugeza hosi Treinu Vela nian no investigador na'in rua hosi projetu SAIL, iha viajen ida ne'ebé halo parte iha selebrasaun hosi sentenáriu dalima hosi sirkum-navegasaun hosi Fernão de Magalhães.

Antes tuku 10:00, iha Terminal Fluvial de Santa Apolónia, ema atus resin konsentra hodi despede tripulasaun.

Liutiha tempu balun, hahú serimónia entrega bandeira portugea ne'ebé sei uza iha Jogu Olímpiku Tókio2020 nian, perante Prezidente Repúblika portugés, Marcelo Rebelo de Sousa, ne'ebé simu ho basa-liman hosi familiar sira ne'ebé marka prezensa, ministru Tasi portugés, Ricardo Serrão Santos, ministru Ambiente portugés, Matos Fernandes, ministru Defeza, João Gomes Cravinho, nune'e mós sekretáriu sira Estadu portugés nian hosi Defeza Nasional, Jorge Seguro Sanches, no hosi Juventude ho Desportu, João Paulo Rebelo.

Hakotu serimónia no momentu muzikal, akontese largada hosi Sagres. Tripulasaun manipula tasi sira atrasaun nian, uza kavilla sira, hasa'e vela sira, kontrola leme sira no embarkasaun la'o tuir anin, no parajen ofisial dahuluk maka iha Tenerife, illa Kanária, iha España.

"Magalhães anula ona kuadratura hosi sírkulu. Fó mai ita mundu kabuar ida no loke ona horizonte ba mundu foun sira, povu sira, kultura sira, ne'ebé motiva hosi rikusoin sira hosi espesiaria sira hosi índia sira no ba posibilidade hosi komérsiu ne'ebé maka kraviñu, la'ós ita nia ministru, maibé ai hosi fini aromátiku, hamosu insentivu ba ekonomia mundial emerjente ida", hatete hosi Ricardo Serrão Santos durante nia diskursu iha ró laran.

Viajen ne'ebé agora hahú iha ona períudu preparasaun ida aas liu tinan ida ho balun, envolve aspetu lojístiku sira, organizasaun hosi material sira, hosi ró no mariñeiru sira rasik, hanesan esplika ona hosi komandante ró-eskola nian ba jornalista sira.

António Maurício Camilo admiti mós posibilidade atu viajen naruk sei hasoru "situasaun ladi'ak sira", akontese hosi mudansa klimátiku sira, maibé resalva ona katak tripulasaun "iha prepasaun ba akontesimentu sira ne'e".

Tenente daruak Helena Bouças hatete ona ba Lusa katak misaun ne'e envolve preparasaun pesoal ho lojístika maka'as ida ne'ebé halo, hanesan ezemplu, tripulasaun sira lori de'it "sasán sira ne'ebé importante liu", tanba laiha fatin tanba númeru aas hosi elementu sira iha ró laran.

Kona-ba dezafiu prinsipal sira ne'ebé sei hasoru, Helena Bouças aponta ona Cabo Horn, iha Amérika-Súl, "tanba nia istória ho nia tempu".

Ba komandante Maurício Camilo, pontu importante sira hosi viajen maka to'o iha Tókio, hodi entrega bandeira portugeza ba delegasaun olímpika iha kapital kapuneza, ne'ebé, iha faze dahuluk, ró sei aprezenta hanesan "Portugal nia Uma".

Aleinde ne'e, durante viajen no liuhosi portu oioin ne'ebé maka ró ne'e sei para, ema barak maka sei hakarak vizita ró no koñese saida maka dezenvolve daudaun, nia haktuir.

Ne'e hanesan mós "ba dala uluk maka sei iha […] projetu sientífiku sira iha ró laran. Bazikamente, ami sei sukat estadu hosi oseanu sira no atmosfera nian", avansa hosi komandante.

Iha parte seluk, iha deklarasaun sira ba Lusa, ministru Tasi portugés nian esplika ona katak viajen envolve "protokolu sientífiku oioin" hodi koñese di'ak korente sira, influénsia hosi klima, biodiversidade ho poluisaun hosi plástiku sira ho mikroplástiku.

"Sei halo amostrajen sira durante perkursu […], sei permiti kolleita sira, aumenta koñesimentu no sei iha eventu barak ne'ebé relasionadu ho literasia, divulgasaun ho komunikasaun hosi oseanu sira no poluisaun hosi plástiku sira. Hanesan mós viajen ida sensibilizasaun nian hosi populasaun iha nível global", hatutan hosi Serrão Santos.

Ró-eskola Sagres sei liuhosi portu hamutuk 20 resin hosi nasaun 19.

Hafoin parajen dahuluk iha Tenerife, tuir iha sidade Praia (19 Janeiru), Rio de Janeiro, Brazil (10 Fevereiru), Cidade do Cabo, Áfrika-Súl (27 Marsu), Maputo (09 Abril), Jakarta (29 Maiu), Tókio (18 Jullu), Honolulu (Havai), iha Estadus Unidus (27 Agostu) ho Cartagena das Índias, Kolómbia (05 Dezembru).

Iha loron 30 Dezembru, ró-eskola Sagres to'o iha Portugal, iha Ponta Delgada, iha Açores, no fila ba Lisboa ho loron markadu ba 10 Janeiru 2021.

Lusa

 


Comentários

Critério de publicação de comentários