Pájina aktualizada iha 21:25h, kinta-feira 23 Janeiru

Indonézia reforsa prezensa militar iha tasi Súl Xina nian

07 de Janeiro de 2020, 21:02

Indonézia reforsa ona prezensa ho ró funu haat iha zona ida iha tasi Súl Xina nian ne'ebé maka iha mós ró oioin hosi Xina, hamosu nune'e krizi diplomátika ida entre nasaun rua.


"Polísia ho ajénsia seguransa marítimu indonéziu nian aumenta daudaun prezensa militar iha zona", hatete hosi porta-vós hosi Ministériu Negósiu Estranjeiru indonéziu nian, Teuku Faizasyah.

Porta-vós konfirma ona katak ró xinés sira permanese iha bee sira ne'ebé besik hosi illa Natuna, ne'ebé ba Jakarta hanesan halo parte iha zona ekonómiku exkluzivu, maibé Pekin reklama hanesan ninian.

Forsa armada indonéziu sira agora daudaun iha ró militar sanulu ne'ebé maka destaka iha zona.

"Labele negosia soberania teritóriu nian hosi ami nia nasaun", deklara hosi Prezidente indonéziu, Joko Widodo, iha loron-segunda, durante reuniaun ida iha konsellu ministru nian.

Ró peska xinés sira nian to'o ona iha Natuna iha fulan liubá, nune'e halo Ministru Negósiu Estranjeiru indonéziu konvoka embaixador Xina nian iha Jakarta no haruka mós karta diplomátiku ida ne'ebé maka nia defende soberania teritorial indonéziu nian.

"Ami hakarak atu Xina, hanesan mós membru hosi Konvensaun ONU nian ba Direitu Tasi nian, respeita saida maka hakerek iha tratadu", indika hosi xefe diplomasia indonéziu, Retno Marsudi, iha loron-segunda.

Iha parte seluk, Ministériu Seguransa, Magfud MD, anunsia ona katak haruka peskeiru na'in 120 hodi esplora rejiaun marítimu ne'ebé maka iha konflitu, ne'ebé maka Jakarta hanaran fali, iha tinan 2017, hanesan tasi Norte Natuna nian.

Konflitu tanba illa sira Natuna nian akontese iha tinan 2016 bainhira Indonézia desidi harii ona baze militar sira iha sekuénsia hosi konfrontu oioin ho peskeiru xinés sira.

Xina reklama 90% resin hosi tasi Súl Xina nian, fatin marítimu importante ida ba komérsiu internasional no ne'ebé riku tebes iha rekursu natural sira no enerjétiku sira, fahe hosi nasaun sira hanesan Filipina, Vietname, Malázia, Brunei ka Taiwan, aleinde Indonézia.

Lusa

 


Comentários

Critério de publicação de comentários