Pájina aktualizada iha 21:29h, kinta-feira 23 Janeiru

ONG alerta katak labarik ida mate loron-loron iha nordeste Síria nian

09 de Janeiro de 2020, 22:53

Organizasaun la'ós governu nian Save the Children alerta ona, iha loron-kinta ne'e, katak "loron-loron labarik ida mate" iha provínsia síriu Idlib tanba ofensiva governamental hasoru defeza ikus hosi "insurjénsia" nian.


"Hahú hosi loron 20 Dezembru 2019 to'o loron 07 Janeiru, oho ona labarik na'in 36 iha Idlib, haktuir hosi informasaun sira hosi grupu Hurras, ne'ebé iha ligasaun ho Save The Children, inklui labarik na'in sia iha semana dahuluk tinan 2020 nian", refere hosi ONG.

"Labele aseita atu oho labarik na'in ida loron-loron", hatete hosi Sónia Khush, hosi diresaun Save the Children nian ba Síria, hodi hatete katak "númeru sira ne'e hanesan provizóriu" no bele aumenta.

Dokumentu hanesan hatutan mós katak ema kuaze rihun 300 maka tenki husik fatin sira rezidénsia nian, zona barak maka sai mamuk ona.

"Família millaun resin hahú Tinan Foun hodi tenta ho dezesperu halai hosi violénsia. Halai lahó destinu no lori de'it sasán ne'ebé maka sira bele lori no, ba ema barak, la'ós ba dala uluk maka tenki halai", hatutan hosi komunikadu.

Save the Children aviza katak temperatura tuun no klima húmidu hosi invernu "halo aumenta" nesesidade báziku hosi labarik sira no hosi família sira ne'ebé fraku liu.

"Ema atus resin toba iha estrada sira iha Idlib (noroeste Síria nian) no laiha fatin hodi hela hafoin bombardeamentu sira halo populasaun barak halai hosi sidade Maarat Al Nauman no hosi zona sira ne'ebé besik", indika mós hosi komunikadu.

Maarat Al Nauman hanesan objetivu tuirmai hosi tropa síriu sira ne'ebé hetan apoiu hosi forsa sira Rúsia nian iha kombate hasoru "grupu insurjente sira" ne'ebé maka mantén iha sidade.

Idlib - ne'ebé besik domina tomak hosi Organizasaun Libertasaun Levante nian, aliansa islámiku ne'ebé halo parte hosi membru antigu Al Qaeda nian - hanesan objetivu militar prinsipal hosi Damasku ho Moskovo iha kampaña ne'ebé hahú ona iha fulan-abril 2019 nian.

Lusa

 


Comentários

Critério de publicação de comentários