Pájina aktualizada iha 21:29h, kinta-feira 23 Janeiru

Inséndiu ho frente oioin mantén leste Austrália iha estadu alerta nian

10 de Janeiro de 2020, 20:50

Bombeiru australianu sira iha loron-sesta ne'e kombate frente oioin hosi inséndiu, liuliu iha leste Austrália nian, ho kondisaun klimatériku ne'ebé aat aumenta risku hosi inséndiu iha fatin oioin.


Situasaun todan liu rejista liuliu iha estadu sira Victoria ho Nova Gales Súl (NSW), nune'e mós iha illa Kangaroo, iha sudueste Adelaide nian, iha estadu hosi Súl Austrália nian, haktuir hosi informasaun ne'ebé Lusa rekolla iha serbisu sira emerjénsia bombeiru sira nian.

Área sira krítika liu maka zona foho sira, iha fronteira entre estadu sira NSW ho Victoria, ne'ebé iha frente oioin inséndiu sira nian, balun ho kilómetru atus resin, ne'ebé halibur daudaun, hanesan iha rejiaun Alpina ho Gippsland, iha súl hosi NSW no iha rejiaun nordeste Victoria nian. Kapasidade hodi hatán hosi bombeiru sira sai prejudikadu tanba asesu susar sira no tanba anin maka'as.

Serbisu sira emerjénsia nian hosi estadu Victoria fó sai ona alerta oioin ba populasaun sira hosi fatin oioin hodi husik lalais sira nia uma. Iha pájina internet, alerta sira hosi "evakuasaun lalais" halo parte hosi fatin no rejiaun hamutuk 30 resin.

Rezidente barak maka desloka ona ba fatin sira ne'ebé konsidera hanesan seguru no ne'ebé instala serbisu sira emerjénsia sivil ho militar sira, hodi apoia populasaun sira ne'ebé afetadu.

Tuir serbisu inséndiu rural sira hosi Nova Gales Súl, inséndiu rua, iha hosi estadu Victoria no ida seluk hosi NSW, hanesan unidu, iha zona hosi Rezerva Natural Clarkes Hill.

"Previzaun maka hanesan perigu maka'as ka extremu" iha kosta súl no iha zona sira seluk hosi súl hosi estadu Nova Gales Súl", hatudu hosi serbisu sira ne'e hodi subliña katak "kondisaun atual sira halo asaun hosi ahi sira sai perigozu no muda lalais".

Iha illa Kangaroo, ne'ebé ahi estraga ona 1/3 hosi área, inséndiu sira ameasa nafatin parte boot hosi restu zona nian. Parte boot hosi illa laiha ona serbisu elétriku, tanba destruisaun hosi subestasaun oioin no liña distribuisaun prinsipal balun, haktuir hosi entidade responsável SA Power Networks.

Ekipa sira hosi Kangaroo Island Wildlife Park, apoia hosi voluntáriu sira, serbisu hela hodi tenta proteje animal sira hosi ahi, ho risku inséndiu nian tuun oituan maski mantén nafatin ameasa.

Ekipa sira veterináriu nian hosi ezérsitu australianu fó nafatin apoiu urjente ba animal autóktone sira, liuliu ba koala sira, kanguru sira, makikit sira ho gambás.

Lusa

 


Comentários

Critério de publicação de comentários