Pájina aktualizada iha 01:07h, sabado 31 Maiu

Prezidente xinés vizita Myanmar iha semana oinmai

10 de Janeiro de 2020, 23:40

Prezidente xinés sei vizita Myanmar iha semana oinmai, iha momentu ne'ebé maka Pekin tenta hametin relasaun sira ho membru sira hosi Asosiasaun hosi Nasaun sira Sudeste Aziátiku nian, hasoru konflitu teritorial sira iha Tasi Súl Xina nian.


Myanmar (antiga Birmánia) sai nafatin hanesan aliadu besik iha apoiu ba reklamasaun xineza sira nian hosi kuaze totalidade hosi Tasi Súl Xina nian no parseiru ida iha inisiativu xineza "faixa ida, rota ida", ne'ebé inklui konstrusaun hosi aeroportu sira, sentral elétrika sira ka zona hosi komérsiu livre, hodi harii fali dalan komersial sira entre Xina, Europa ho sudeste no sentru hosi kontinente aziátiku nian.

Projetu xinés sira iha Myanmar inklui gazodutu ida dezde Médiu Oriente, no la liuhosi estreitu Malaka nian.

Xina tenta halo mós mediasaun ba konflitu sira entre Governu sentral Myanmar nian ho minoria étnika sira nasaun nian ho orijen xineza sira.

Hamutuk ho Laos ho Kamboja, Myanmar sai nafatin hanesan parseiru ida iha kampaña xineza nian hodi subar krítika sira hosi Asosiasaun hosi Nasaun sira Sudeste Aziátiku (ASEAN) nian hasoru reklamasaun hosi pratikamente Tasi Súl tomak Xina nian hosi Pekin, maski iha protestu hosi Vietname, Filipina ka Indonézia.

Pekin presiona nafatin ASEAN hodi aprova kódigu konduta ida entre nasaun sira hodi bandu operasaun militar sira iha área hosi nasaun rival sira hanesan Estadus Unidus, Austrália no Japaun.

Lusa

 


Comentários

Critério de publicação de comentários