Pájina aktualizada iha 21:25h, kinta-feira 23 Janeiru

Ukránia hatete katak EUA fó informasaun importante kona-ba aviaun nia monu iha Iraun

11 de Janeiro de 2020, 00:22

Estadus Unidus fornese, iha loron-sesta ne'e, ba Prezidente ukranianu, Volodymyr Zelensky, "informasaun importante sira" kona-ba aviaun Boeing ukranianu nia monu iha Iraun, anunsia hosi diplomasia ukranianu la adianta informasaun sira ne'ebé fahe.


Tuir xefe diplomasia ukranianu, Vadym Prystaïko, reprezentante sira hosi Estadus Unidus hasoru malu ho Prezidente Volodymyr Zelensky ho membru sira seluk hosi Governu ukranianu, hodi fornese informasaun balun.

"Ami simu informasaun importante sira ne'ebé sei prosesa hosi ami nia espesialista sira", hakerek hosi ministru Negósiu Estranjeiru Ukránia nian iha mensajen ne'ebé fó sai iha loron-sesta ne'e iha rede sosial Twitter.

Prezidente ukranianu husu ona ba Estadus Unidus, ba Kanadá no ba Reinu Unidu atu fornese informasaun sira ne'ebé hodi halo sira afirma katak fiar katak aviaun ne'e hetan tiru arbiru hosi misil iranianu ida.

Zelensky karik sei diskuti asuntu ho sekretáriu Estadu EUA nian, Mike Pompeo, iha loron-sesta ne'e iha tuku 15:00 (oras lokal).

Iha loron-kuarta, aviaun ukranianu ida monu, besik iha kapital Iraun nian hodi halo ema na'in 176 ne'ebé iha aviaun laran mate - ema iranianu na'in 83, ema kanadianu na'in 63, ema sueku na'in 10, ema afegaun na'in haat, ema alemaun na'in tolu no ema britániku na'in tolu, haktuir hosi governu Ukránia nian.

Asidente akontese liutiha oras balun hafoin lansamentu hosi misil iranianu hamutuk 22 hasoru baze rua hosi koligasaun internasional nian ne'ebé lidera hosi Estadus Unidus, iha Ain Assad ho Erbil, iha Irake, iha operasaun vingansa ida tanba jeneral iranianu Qassem Soleimani nia mate, ne'ebé maka haruka hosi Prezidente norte-amerikanu, Donald Trump.

Indikasaun dahuluk sira ne'ebé disponibiliza hosi autoridade iranianu sira hatudu ba ezisténsia hosi problema mekániku sira, hodi rejeita atake ida ho misil sira.

Maibé, primeiru-ministru Reinu Unidu nian, Boris Johnson, husu ona "investigasaun kompletu, kredível no transparente" ida kona-ba dezastre, hodi refere, hafoin kontaktu telefóniku ida ho Prezidente Ukránia nian, katak iha "informasaun perturbador sira" ne'ebé nia la fornese pormenor sira.

Primeiru-ministru kanadianu mós afirma katak iha informasaun sira katak aviaun ne'e hetan tiru hosi misil iranianu ida, hodi hatutan katak asaun ne'e "karik la hanesan intensional".

Ba Prezidente norte-amerikanu, Donald Trump, aviaun ukranianu ne'ebé monu iha Iraun karik monu hosi "sala ida hosi parte seluk" no anunsia aplikasaun ba ronda foun hosi kastigu ekonómiku sira hasoru Governu Teeraun nian, hanesan vingansa.

Prezidente iranianu promete ona katak sei halo investigasaun ida objetivu hosi kauza sira dezastre aéreu nian, ne'ebé nia konvida ona Boeing hodi partisipa.

Lusa

 


Comentários

Critério de publicação de comentários