Pájina aktualizada iha 21:25h, kinta-feira 23 Janeiru

Guiné-Bissau/Eleisaun: Supremu Tribunal Justisa servisu hela no husu kalma ba guiniense sira

11 de Janeiro de 2020, 00:55

Supremu Tribunal Justisa hosi Guiné-Bissau hatete iha loron-sesta katak analiza hela rekursu hosi kandidatu ne'ebé lakon iha eleisaun prezidensial sira no apela ona kalma ba ema guiniense sira no ema sira hotu ne'ebé iha interese.


"Supremu Tribunal Justisa hakarak informa katak prosesu hosi rekursu kontensiozu eleitoral ne'ebé hato'o hela hela tratamentu, seidauk iha desizaun ruma, prosesu sei tuir nia prosesu legal ne'ebé hanesan kontráriu ho informasaun sira ne'ebé hatete katak iha ona desizaun", informa hosi asesor imprensa hosi órgaun judisial ne'e, Salimo Vieira.

Iha deklarasaun sira ba jornalista sira, Salimo Vieira husu mós "kalma" ho "pasiénsia" ba ema guiniense sira no ba "ema tomak ne'ebé iha interese ba prosesu".

"Supremu Tribunal Justisa iha empeñu, serbisu hela iha asuntu no iha momentu loloos sei fó sai desizaun", nia hatutan.

Iha sekuénsia hosi divulgasaun ba rezultadu provizóriu sira hosi volta daruak hosi eleisaun prezidensial sira hosi Komisaun Nasional Eleisaun (CNE) nian, kandidatu ne'ebé lakon, Domingos Simões Pereira, apoia hosi Partidu Afrikanu ba Independénsia Guiné nian ho Cabo Verde (PAIGC), hato'o rekursu ida iha Supremu Tribunal Justisa hodi husu konta fali votu sira, hodi hatete katak deskonfia iregularidade eleitoral sira.

Tuir rezultadu provizóriu sira, jeneral Umaro Sissoco Embaló, apoia hosi Movimentu ba Alternánsia Demokrátiku (Madem-G15), manán ona votasaun ho votu hamutuk 53,55%, bainhira kandidatu Domingos Simões Pereira hetan 46,45%.

Advogadu Carlos Pinto Pereira, ne'ebé reprezenta Domingos Simões Pereira, afirma ona iha loron-kinta katak votu hamutuk rihun 110 resin hetan manipulasaun no katak rekontajen ida de'it bele determina sé maka manán duni eleisaun prezidensial iha loron 29 Dezembru.

Lusa

 


Comentários

Critério de publicação de comentários