Pájina aktualizada iha 22:29h, segunda-feira 25 Maiu

Vietname husu ba Timor-Leste hodi ratifika akordu komérsiu livre nian

13 de Janeiro de 2020, 20:44

Ministru Negósiu Estranjeiru Vietname nian husu ona ba nia homólogu Timor-Leste hodi ratifika akordu hosi komérsiu livre entre nasaun rua ne'ebé maka asina iha tinan 2013.


Tuir ajénsia notísia estatal vietnamita VNA, Phạm Bình Minh, ne'ebé hanesan mós visi-primeiru-ministru Vietname nian, defende ona katak ratifikasaun hosi akordu sei promove komérsiu entre nasaun rua.

Diplomata hasoru malu iha Nova Iorke, iha loron-sesta, ho ministru timoroan Negósiu Estranjeiru nian, Dionísio Babo Soares, bainhira hakotu reuniaun ida hosi Konsellu Seguransa ONU nian.

Durante enkontru, Dionísio Babo Soares fó ona korajen ba empreza vietnamita sira hodi aposta iha merkadu timoroan. Diplomata fó ona hanesan ezemplu grupu estatal hosi telekomunikasaun nian, Viettel Group, ne'ebé kaer Telemor, operador telekomunikasaun ida hosi operador tolu ne'ebé maka halo operasaun iha Timor.

Tuir VNA, ministru timoroan sei hetan mós apoiu Vietname nian iha adezaun Timor-Leste nian ba Asosiasaun hosi Nasaun sira Sudeste Aziátiku (ASEAN) nian, prosesu ida ne'ebé hahú ona hosi tinan 2012.

Phạm Bình Minh iha mós almosu ida ho sekretáriu-jeral ONU nian, António Guterres.

Tuir VNA, portugés subliña ona katak ONU apoia iha rezolusaun, ho dalan pasífiku no ho baze iha lei internasional, hosi konflitu teritorial sira iha tasi Súl Xina nian.

Pekin reklama kuaze tasi tomak hosi Súl Xina nian, maski iha reklamasaun sira hosi Vietname, Filipina, Malázia ho Brunei.

Iha tinan 2016, Tribunal Permanente hosi Arbitrajen desidi apoia Filipina no kontra Xina iha kazu hosi konflitu teritorial sira iha tasi Súl Xina nian, maibé Pekin rekuza nafatin mediasaun.

Lusa

 


Comentários

Critério de publicação de comentários