Pájina aktualizada iha 01:21h, sabado 12 Jullu

Primeiru-ministru australianu admiti sala iha jestaun hosi inséndiu ai-laran sira nian

14 de Janeiro de 2020, 19:48

Primeiru-ministru Austrália nian, Scott Morrison, admiti ona iha loron-domingu katak bele komete ona sala sira iha jestaun hosi inséndiu ai-laran sira nian ne'ebé maka akontese daudaun iha nasaun no ne'ebé maka halo nia hetan krítika maka'as.


"Iha asauns ira ne'ebé tuir loloos bele jere ho di'ak tebes iha terenu", rekoñese hosi primeiru-ministru iha entrevista ida ba kanal públika televizaun ABC, ne'ebé nia anunsia ona investigasaun públika ida kona-ba resposta ba inséndiu sira.

Deskulpa hosi primeiru-ministru to'o hafoin iha loron-sesta ema rihun resin maka halo manifestasaun iha sidade oioin iha Austrália hodi husu nia demisaun no eziji ba Governu hodi aumenta meiu sira hodi luta hasoru mudansa klimátika sira no inséndiu ai-laran sira, ne'ebé halo ona ema na'in 28 mate no uma rihun resin maka hetan sunu.

Morrison, ne'ebé nega ona relasiona krizi klimátika ho agravamentu hosi inséndiu ai-laran sira, sai nafatin hanesan objetu hosi krítika sira iha semana hirak ikus ne'e.

Primeiru-ministru konservador hetan krítika tanba ba férias lahó avizu iha Hawai, Estadus Unidus, durante krizi antes Natal no populasaun sira la simu ho di'ak nia vizita iha zona afetadu sira, barak halo insultu.

Konaba polítika sira hodi hasoru efeitu sira hosi krizi klimátika, Morrison afirma ona durante entrevista katak "Governu sei kontinua ho nia esforsu sira hodi hetan objetivu sira" hodi hamenus emisaun sira, la hatete pormenor sira.

Dezde hahú, iha setembru liubá, inséndiu sira estraga ona superfísie ida ho hektar millaun ualu resin, ekivale ho Irlanda, no kalkula katak animal selvajen to'o biliaun resin mate ona, bainhira kontinua époka rai-maran no inséndiu sira.

Hafoin loron krítiku sira tanba temperatura sira ne'ebé aas, iha semana oinmai iha previzaun ba klima ida malirin liu ne'ebé bele fó deskansa ba bombeiru sira ne'ebé maka luta hasoru inséndiu maka'as iha nasaun tomak.

Lusa

 


Comentários

Critério de publicação de comentários