Pájina aktualizada iha 05:53h, sabado 20 Setembru

Prezidente Repúblika triste tebes ho impaktu hosi inséndiu sira iha Austrália

14 de Janeiro de 2020, 20:28

Prezidente Repúblika, iha loron-tersa ne'e, hatudu triste tebes tanba inséndiu sira iha Austrália, lamenta ba vítima mortal sira, ba sasán pesoal sira no lakon biodiversidade tanba inséndiu sira ne'ebé kontinua nafatin iha fatin oioin iha nasaun.


Iha mensajen vídeo ida ba nasaun, grava iha Palásiu Prezidensial iha Díli, Francisco Guterres Lu-Olo hatudu solidariedade ho Austrália hodi Timor-Leste nia laran no hodi ema timoroan sira nia naran.

"Ho triste maka ha'u akompaña trajédia ne'ebé maka akontese, dala ida tan, iha parte ida Austrália nian. Hosi imajen sira ne'ebé hatudu liuhosi komunikasaun sosial, ha'u haree ema sira ne'ebé maka tanis tanba lakon sira nia família tanba inséndiu", Francisco Guterres Lu-Olo hatete iha mensajen ida ba nasaun.

"Ha'u hamutuk ho ema sira ne'ebé maka lakon sira nia uma ho sira nia sasán ne'ebé maka hanesan rezultadu hosi esforsu sira hosi moris ida serbisu no kosar nian. Sira nia matan-been, sira nia liafuan triste nian, sira nia oin triste tanba emosaun sira, toka maka'as ha'u", nia hatete.

Lu-Olo lamenta ona animal biliaun resin ne'ebé maka mate, "ameasa rikusoin hosi biodiversidade Austrália nian" ho impaktu hosi "trajédia ida ne'ebé ho proposaun ne'ebé hamosu susar hodi bele sukat".

Ba xefe Estadu timoroan, inséndiu sira hamosu ona "ponderasaun kona-ba gravidade hosi mudansa klimátika", dezafiu ida ne'ebé boot hanesan ne'e presiza kolaborasaun hosi ema tomak.

"Katástrofe fó mai ita oportunidade hodi hamosu parseria foun sira, entre matenek tradisional sira ho matenek sira ne'ebé maka hamosu hosi siénsia ho teknolojia modernu sira", nia hatutan.

Inséndiu sira ne'ebé dura ona semana barak nia laran iha Austrália halo ona ema na'in 27 mate, estraga uma hamutuk 2.200 resin no sunu ona área ida boot liu duké Portugal.

Lusa

 


Comentários

Critério de publicação de comentários