Pájina aktualizada iha 21:27h, kinta-feira 23 Janeiru

Prezidente Repúblika suspende diploma kona-ba ajuda sira Governu nian ba setor media

14 de Janeiro de 2020, 21:21

Prezidente Repúblika, Francisco Guterres Lu-Olo, suspende ona projetu hosi dekretu-lei Governu nian kona-ba apoiu finanseiru diretu ba área media privadu nian no ba asosiasaun sira hosi jornalista sira iha nasaun, anunsia hosi Prezidénsia iha loron-segunda ne'e.


Iha komunikadu, Prezidénsia Repúblika esplika katak xefe Estadu desidi suspende apoiu tanba konsidera katak subvensaun públika sira "la favorese sustentabilidade hosi órgaun sira komunikasaun sosial nian".

Subliña katak ne'e "kria dependénsia Governu nian", kondisiona kriatividade hosi órgaun sira komunikasaun privadu nian, ho risku atu "kondisiona mós liberdade imprensa" iha nasaun.

Defende katak envezde apoiu diretu, Governu promove estratéjia ida ne'ebé diversifika liu apoiu, inklui iha área sira formasaun, jestaun ho hadi'a meiu teknolójiku hosi área.

Francisco Guterres Lu-Olo defende katak Lei hosi Komunikasaun Sosial kalkula ona apoiu diversifikadu no extensu ne'e, diretu no mós la diretu, hodi nota katak ba entrega direta hosi apoiu finanseiru presiza kumpri lei sira hosi aprovizionamentu ho kontratu sira.

Medida iha mós impaktu diretu ida iha komponente hosi Transferénsia Públika sira hosi Orsamentu Jeral Estadu nian.

Xefe Estadu nota mós katak faktu hosi dekretu ne'ebé hato'o inklui iha apoiu asosiasaun sira jornalista nian, ne'ebé "la'ós hanesan órgaun sira komunikasaun sosial nian".

Suspensaun, nia nota, la signifika atu Governu labele apoia setor media nian, hodi afirma katak ne'e bele akontese ho baze iha saida maka prevista iha lei hosi Komunikasaun Sosial nian.

Lusa

 


Comentários

Critério de publicação de comentários