Pájina aktualizada iha 11:28h, kuarta-feira 27 Maiu

Guiné-Bissau/Eleisaun: Umaro Sissoco Embaló hatete katak kampaña eleitoral hotu ona no hanesan Prezidente eleitu

14 de Janeiro de 2020, 23:32

Umaro Sissoco Embaló, hanesan vensedor hosi volta daruak hosi prezidensial guiniense sira nian, hatete iha loron-tersa katak kampaña eleitoral hotu ona no hanesan Prezidente eleitu hosi Guiné-Bissau nian.


Bainhira fila ba nasaun hafoin viajen ida hosi nasaun afrikanu balun, Umaro Sissoco Embaló defende ona, iha deklarasaun badak iha aeroportu Bissau, katak agora hanesan momentu hodi halibur forsa sira hodi hadi'a Guiné-Bissau nia imajen.

Major-jeneral la refere ba polémika kona-ba rezultadu eleitoral sira, asaun ne'ebé hanesan protestu iha justisa ne'ebé halo hosi nia adversáriu iha volta daruak prezidensial sira nian, Domingos Simões Pereira.

Haleu hosi dirijente sira hosi Movimentu ba Alternánsia Demokrátika (Madem-G15), Umaro Sissoco Embaló hatete katak ko'alia ba ema guiniense tomak "la haree ba partidu ne'ebé maka sira pertense".

"Hanesan baibain ha'u hatete, eleisaun Umaro Sissoco Embaló nian hanesan determinasaun nasional. Iha Repúblika daruak ne'e, ita labele falla", nia observa.

No hatutan: "Ita besik monu ona. Ne'e hanesan esperansa hosi povu guiniense nian, ita labele hamosu fraude".

Umaro Sissoco Embaló indika mós katak ba estranjeiru hanesan misaun hodi agradese ba belun sira no agora homólogu sira no adianta ona katak sei vizita Portugal iha findesemana hodi hasoru malu ho primeiru-ministru, António Costa, iha loron-sábadu, no ho Marcelo Rebelo de Sousa iha loron-domingu.

Ho sira na'in rua, Umaro Sissoco Embaló sei trata "hodi hametin relasaun sira" ho Guiné-Bissau.

Tuir rezultadu provizóriu sira ne'ebé maka aprezenta hosi Komisaun Nasional Eleisaun (CNE) nian, Umaro Sissoco Embaló, apoia hosi Madem-G15, manán ona eleisaun ho votu 53,55%, bainhira Domingos Simões Pereira, apoia hosi Partidu Afrikanu ba Independénsia Guiné ho Cabo Verde (PAIGC), konsege hetan 46,45%.

Kandidatu Domingos Simões Pereira protesta ona verasidade hosi rezultadu sira iha Supremu Tribunal Justisa, ne'ebé konsidera katak auzénsia hosi asaun hosi ata apuramentu nasional hosi rezultadu prezidensial sira hodi impede nia hatene "méritu ne'e".

Supremu Tribunal Justisa haruka ona ba CNE hodi kompleta prosedimentu sira ne'ebé prevista iha lei eleitoral no elabora ata hosi apuramentu nasional hosi rezultadu sira.

CNE hatete katak ata halo ona maibé falta asinatura sira ho konvoka ona ba loron-tersa ne'e reuniaun plenáriu ida hodi kompleta prosedimentu.

Lusa

 


Comentários

Critério de publicação de comentários