Pájina aktualizada iha 17:13h, sabado 29 Fevereiru

Embaixador timoroan foun na'in ualu, inklui iha Lisboa, simu pose iha fulan ne'e

17 de Janeiro de 2020, 21:27

Embaixador foun na'in ualu, inklui diplomata sira ne'ebé destakadu iha Lisboa ho Canberra, simu pose iha loron 28 Janeiru oinmai antes halo viajen ba nasaun oioin ne'ebé sira sei aprezenta kredensial sira.


Isabel Amaral Guterres, eis-ministra Solidariedade Sosial, sei simu pose nu'udar embaixadora foun iha Portugal, haktuir hosi lista ne'ebé maka Lusa iha asesu.

Nu'udar embaixadora Austrália nian sei simu pose Inês Almeida, haktuir lista hanesan.

Entre embaixador sira iha mós Abrão dos Santos, embaixador iha China, Gil da Costa, embaixador iha Reino Unido ho Irlanda-Norte ho Ermenegildo Lopes ne'ebé sei kaer funsaun sira iha iha Kamboja.

Juvita Gonçalves sei simu pose nu'udar embaixadora iha Vatikanu, Natália Carrascalão - ne'ebé to'o agora nu'udar embaixadora iha Laos - sei simu funsaun sira iha Singapura, no sei troka hosi Maria Renata de Jesus iha Laos.

Governu timoroan aprezenta ona, iha tinan liubá, pedidu sira hosi 'agrément' ba embaixador foun na'in 14 ba postu diplomátiku sira ne'ebé mamuk hela, balun mamuk liu tinan ida resin.

Aleinde na'in ualu ne'ebé sei simu pose iha loron 28 Janeiru, iha mós pedidu sira 'agrément' ba misaun diplomátiku timoroan sira nian iha Cabo Verde, Japaun, Laos, Mosambike, Secretariadu hosi Komunidade hosi Nasaun sira Lian Portugeza nian (CPLP), Suísa ho Tailándia.

Lusa

 


Comentários

Critério de publicação de comentários