Pájina aktualizada iha 17:11h, sabado 29 Fevereiru

Tribunal Díli absolve eis-prezidente Parlamentu Nasional ho ko-arguidu sira

21 de Janeiro de 2020, 01:05

Iha loron-segunda ne'e, Tribunal Díli absolve ona eis-prezidente Parlamentu Nasional, Vicente da Silva Guterres, ho ko-arguidu na'in rua, hosi akuzasaun ba benefísiu ekonómiku iha prosesu ida ne'ebé hahú hosi tinan sanulu liubá.


Sentense le iha loron-segunda ne'e iha sala prinsipal audénsia nian iha Tribunal Díli, hakotu nune'e prosesu ida ne'ebé envolve ona depoimentu sira hosi eis-prezidente Repúblika sira, Xanana Gusmão ho José Ramos-Horta, no sasin sira seluk.

Iha kauza maka prosesu ida hodi sosa karreta sira ba deputadu timoroan sira.

Iha Dezembru, iha nia audisaun, Xanana Gusmão - ne'ebé iha momentu kazu nian hanesna primeiru-ministru -, asumi ona responsabilidade ba desizaun hodi sosa tuir ajuste diretu hosi karreta sira ba deputadu sira hosi Parlamentu Nasional iha tinan 2008, tanba urjénsia ne'ebé mosu tanba atentadu hasoru xefe Estadu iha momentu ne'ebá, José Ramos-Horta.

Vicente da Silva Guterres sai ona koarguidu iha kazu ho ema na'in rua seluk, Rui Amaral, ne'ebé to'o loron ohin hanesan sekretáriu Parlamentu Nasional nian, no Francisco Guterres, iha momentu ne'ebá hanesan responsável hosi aprovizionamentu hosi Ministériu Finansa nian.

Lusa

 


Comentários

Critério de publicação de comentários