Pájina aktualizada iha 16:01h, sabado 29 Fevereiru

Governu hili medida sira hodi hasoru ho ameasa hosi vírus foun pneumonia viral nian

22 de Janeiro de 2020, 21:34

Governu implementa hela medida preventiva sira, inklui verifikasaun hosi temperatura iha fronteira sira nasaun nian, hodi kontrola kontájiu hosi vírus foun pneumonia viral nian, ne'ebé halo ona ema na'in sia mate entre ema na'in 440 resin ne'ebé infetadu.


"Ami implementa hela medida sira ne'e, ho kordenasaun hamutuk ho Organizasaun Mundial Saúde nian no envolve Ministériu relevante sira", esplika hosi ministra interina Saúde nian, Élia Amaral, ba Lusa.

Medida sira inklui preparasaun hosi deklarasaun saúde foun sira ne'ebé tenki prenxe hosi ema ida ne'ebé tama iha fronteira sira nasaun nian, liuliu iha Aeroportu Díli nian no fronteira sira tasi nian.

Sei estabelese sistema verifikasaun ida temperatura nian hosi vizitante sira ba nasaun, ho triajen ida hosi kazu suspeitu sira ne'ebé, bainhira mosu, sei mantén iha izolamentu iha fatin ida iha Hospital Guido Valadares to'o halo despitajen hosi moras.

Asuntu marka ona reuniaun, iha loron-kuarta, hosi Konsellu Ministru ne'ebé aprova ona rezolusaun ida kona-ba Adopsaun hosi Regulamentu Sanitáriu Internasional, dispozitivu legal internasional ida, kria iha ámbitu hosi Organizasaun Mundial Saúde (OMS) nian "ne'ebé estabelese prosedimentu sira ho medida sanitáriu sira ba protesaun saúde públika nian, hodi impede propagasaun internasional hosi moras sira".

Élia Amaral esplika katak Timor-Leste hanesan signatáriu hosi regulamentu ne'e dezde nia aprovasaun iha tinan 2002 iha Asembleia Mundial Saúde nian, no adopta dokumentu relevante sira liutiha tinan sanulu, maibé, to'o agora, laiha aprovasaun ba rezolusaun hosi nia implementasaun.

Agora sei harii Komisaun Interministerial ida ne'ebé sei hanesan responsável ba implementasaun, kordenasaun, avaliasaun ho monitorizasaun hosi Regulamentu Sanitáriu Internasional.

Nia esplika katak hanesan hodi regula internamente saida maka defini iha regulamentu internasional hodi "aumenta kapasidade vijilánsia ho fó resposta ba epidemia sira iha kazu sira emerjénsia nian no ameasa ba saúde públika nian".

"Hanesan dalan ida ne'ebé bele defini prosedimentu sira, hodi ajuda iha protesaun hasoru transmisaun hosi moras kontajiozu sira iha nível internasional no ne'ebé envolve kestaun téknika oioin no infraestrutura sira, no ida seluk hodi hatán iha kazu emerjénsia sira", hatete hosi Amaral.

Nia esplika katak asuntu ne'e analiza ona iha reuniaun preparativu oioin, folletu informativu sira ho kampaña ida sei hahú iha tempu badak hodi informa kona-ba risku sira hosi moras sira ne'ebé fó ba ema sira ne'ebé vizita fatin sira ho risku.

Élia Amaral rekorda katak Timor-Leste hili ona, iha kazu hosi vírus Zika ho SARS, medida balun hosi asaun ne'e iha pasadu, agora ativa Komisaun Surtu nian, hodi akompaña ho di'ak situasaun.

"Ami sei iha apoiu hosi OMS hodi instala, iha fatin sira hosi fronteira sira, sistema sira hodi nune'e pasajeiru sira ne'ebé tama ho sai bele halo teste no bainhira sira iha isin-manas bele halo triajen", refere hosi Amaral.

"Aprova mós rezolusaun ida hosi governu ba komisaun interministerial ida ne'ebé envolve ministériu relevante sira, hodi haree kestaun sira seguransa nian, kontrolu ho prevensaun no evita atu moras bele espalla iha Timor-Leste", nia nota.

Moras, ne'ebé hanoin katak hahú iha sentru Xina nian, iha Wuhan - sidade ida ho populasaun millaun 11 resin -, to'o ona nasaun oioin no teritóriu oioin no ameasa atu espalla maka'as, tanba ema xinés millaun resin sei halo viajen iha feriadu sira hosi Tinan Foun Lunar nian ne'ebé sei selebra iha loron 25 Janeiru.

Sudath Perist, hosi OMS iha Timor-Leste, hatete ona ba Lusa katak organizasaun apoia hela Governu ho medida oioin, impresa ona deklarasaun saúde hamutuk rihun 20 no folletu informativu hamutuk rihun 20.

"Medida importante maka hahú kontrolu sira hodi trava transmisaun hosi moras sira. Ami ko'alia mós ho serbisu sira imigrasaun nian no kompañia aéreu sira hodi hahú implementa lalais medida sira ne'e", nia refere.

"Hanesan asaun susar no ne'ebé hamosu dezafiu sira ba sistema saúde timoroan nian. Ami sei fó mós apoiu iha nível Laboratóriu Nasional hodi bele ezisti iha ne'e reajente sira ne'ebé presiza hodi halo teste ba moras no ne'ebé agora daudaun, iha de'it iha nasaun oituan", nia hatete.

Responsável ONU nian hatete katak iha indikasaun atu moras to'o ona iha nasaun hamutuk 15, ho preokupasaun iha kazu Timor-Leste nian akontese tanba iha ligasaun aéreu loron-loron entre rejiaun afetadu iha Xina no illa indonéziu Bali, ne'ebé iha semo diretu loron-loron ba Díli.

"Ita iha mós komunidade xineza signifikativu ida iha Timor-Leste, liuliu iha Díli, no ita tenki hatene katak komunidade ne'e iha kontatu diretu ho sidade ne'e iha Xina", esplika hosi Sudath Perist.

Preokupadu ho epidemia global ida hanesan ho SARS (Síndrome Respiratória Aguda Grave), vírus seluk ne'ebé espalla ona iha Xina ba nasaun sanulu resin iha tinan 2002-2003, nasaun oioin hili ona medida sira rastreamentu nian hosi viajante sira Xina nian, liuliu sira ne'ebé maka sai hosi Wuhan, sidade ne'ebé maka karik hanesan fatin orijen hosi vírus.

Lusa

 


Comentários

Critério de publicação de comentários