Pájina aktualizada iha 16:21h, sabado 29 Fevereiru

Partidu ki'ik sira iha parlamentu hakarak Governu ho inkluzaun boot

23 de Janeiro de 2020, 18:33

Iha loron-kinta ne'e, reprezentante sira hosi partidu rua ki'ik liu iha parlamentu, UDT ho FM, defende ona iha Prezidente Repúblika kriasaun hosi Governu foun ida ho "inkluzaun boot" hodi lidera nasaun.


Pozisaun ne'e hatudu ba Prezidente Repúblika, Francisco Guterres Lu-Olo, hosi delegasaun ida hosi União Democrática Timorense (UDT) ho Frente Mudansa (FM), ida-idak ho deputadu ida iha parlamentu timoroan ne'ebé iha fatin 65.

Enkontru, hosi audisaun oioin ne'ebé Lu-Olo halo ho líder polítiku no sosiedade sivil timoroan, konvoka tanba krizi ne'ebé mosu hosi xumbu, iha loron-sesta liubá, hosi proposta Orsamentu Jeral Estadu (OJE) ba tinan 2020.

Proposta ne'e xumba tanba abstensaun ho votu kontra sira hosi CNRT, lidera hosi Xanana Gusmão no partidu boot hosi koligasaun Governu nian, Aliansa Mudansa ba Progresu (AMP).

Prezidente hosi UDT, Francisco David Carlos, hatete ona katak sosiedade timoroan lakohi fila fali ba urna. Koligasaun atual Governu nian hetan ona maioria absoluta iha eleisaun antesipadu sira iha tinan 2018.

"Ami hatete klaru ba Prezidente Repúblika katak ami defende Governu ida ho inkluzaun boot, maibé desizaun final hanesan kompeténsia hosi señor Prezidente", afirma hosi Francisco David Carlos ba jornalista sira hafoin enkontru.

"Maioria hosi povu hakarak inkluzaun boot hodi rezolve konflitu atual", esplika hosi Ejidio de Jesus da Frente Mudança (FM).

Prezidente Repúblika Lu-Olo konvoka ona enkontru oioin ho partidu sira ne'ebé iha fatin iha parlamentu, jurista sira, eis-kombatente sira, sosiedade sivil ho líder relijiozu sira, iha prosesu ne'ebé hotu iha loron 04 Fevereiru ho konvokatória hosi Konsellu Estadu nian.

Iha loron-kinta ne'e, sei halo mós reuniaun entre Lu-Olo ho delegasaun ida hosi Kmanek Haburas Unidade Nacional Timor Oan (KHUNTO), partidu datoluk AMP nian, ho dirijente sira hosi partidu sira ne'ebé ki'ik liu iha parlamentu, União Democrática Timorense (UDT) ho Frente Mudansa (FM).

Iha loron-sesta ajenda mós enkontru ho Frente Revolucionária do Timor-Leste Independente (Fretilin), partidu boot ho fatin iha parlamentu, atualmente iha opozisaun.

Lusa

 


Comentários

Critério de publicação de comentários