Pájina aktualizada iha 16:19h, sabado 29 Fevereiru

PLP rekomenda solusaun krizi ba PR

25 de Janeiro de 2020, 00:08

Partidu daruak hosi koligasaun Governu nian rekomenda ona, iha loron-sesta ne'e, ba kompeténsia sira hosi Prezidente Repúblika ba solusaun ida ba krizi polítika iha nasaun ne'ebé maka mosu tanba xumbu hosi Orsamentu Jeral Estadu (OJE) tinan 2020 nian.


"Konstituisaun Repúblika atribui ba señor Prezidente kompeténsia hodi hetan solusaun ida. PLP konkorda ho apoiu solusaun ruma. Solusaun hanesan kompeténsia hosi señor Prezidente no PLP laiha preferénsia ruma", hatete hosi Abrão ‘Mate Restu’, visi-prezidente dahuluk hosi Partidu Libertasaun Popular (PLP), hosi primeiru-ministru Taur Matan Ruak nian.

Delegasaun ida PLP nian, forsa daruak hosi koligasaun Governu nian, Aliansa Mudansa ba Progresu (AMP), hasoru malu iha loron-sesta ne'e, durante oras ida resin, ho Prezidente Repúblika, Francisco Guterres Lu-Olo.

"Ema hotu akompaña ona katak iha semana liubá Orsamentu Jeral Estadu (OJE) la pasa. Prezidente konvida ona partidu sira hodi ami informa kona-ba situasaun atual ne'ebé maka mosu tanba xumbu", nia esplika.

Rekomenda nafatin solusaun ba xefe Estadu, dirijente PLP nian lakohi klarifika situasaun atual hosi AMP rasik, haree ba votu sira abstensaun ho kontra hosi nia partidu boot, CNRT, ne'ebé maka halo OJE la pasa.

Votasaun ne'e halo primeiru-ministru, Taur Matan Ruak, afirma iha loron-segunda katak AMP "laiha ona", maski formalmente laiha hakat ida maka halo iha koligasaun nia laran hodi formaliza divórsiu ne'e, liuliu tanba AMP aprezenta ona hanesan koligasaun pré-eleitoral no hetan ona maioria absoluta iha eleisaun antesipadu tinan 2018 nian.

Kestiona hosi Lusa kona-ba karik PLP sei formaliza pedidu ruma hodi sai hosi koligasaun, Abrão Mate Restu la hatán, rekorda de'it prinsípiu sira hosi fundasuan koligasaun nian.

"Plataforma dezde inísiu halo iha prinsípiu sira: partidu sira hanesan aliadu iha parlamentu nasional no garanti atu vota konkorda ba programa Governu nian, prinsípiu daruak maka vota favor ba Orsamentu Jeral Estadu (OJE) no datoluk maka apoia lei estruturante sira", nia afirma.

"Imi akompaña ona situasaun iha tinan 2018 ho 2019, orsamentu sira hetan ona aprovasaun. Maibé iha tinan 2020, orsamentu la pasa. Akordu hanesan klaru. Maibé ami entrega ba Prezidente hodi desidi solusaun", nia konsidera.

Prezidente Repúblika Lu-Olo konvoka ona enkontru oioin ho partidu sira ne'ebé iha fatin iha parlamentu, jurista sira, eis-kombatente sira, sosiedade sivil ho líder relijiozu sira, iha prosesu ne'ebé hotu iha loron 04 Fevereiru ho konvokatória hosi Konsellu Estadu nian.

Iha loron-kinta ne'e Lu-Olo simu ona delegasaun ida hosi Congresso Nacional da Reconstrução Timorense (CNRT), forsa boot AMP nian, no delegasaun ida hosi Kmanek Haburas Unidade Nacional Timor Oan (KHUNTO), forsa polítika datoluk.

Simu mós partidu ki'ik sira ne'ebé iha fatin iha Parlamentu Nasional, União Democrática Timorense (UDT) ho Frente Mudansa (FM), ida-idak ho deputadu na'in ida.

Iha loron-sesta ne'e iha mós ajendamentu enkontru ho Frente Revolucionária do Timor-Leste Independente (Fretilin), partidu boot ho fatin iha parlamentu ne'ebé agora daudaun iha opozisaun.

Lusa

 


Comentários

Critério de publicação de comentários