Pájina aktualizada iha 16:19h, sabado 29 Fevereiru

Fretilin rejeita eleisaun antesipadu ho presipitasaun iha final hosi Governu

25 de Janeiro de 2020, 00:52

Fretilin, partidu boot ho fatin iha parlamentu, hatete iha loron-sesta ne'e hatete katak labele iha presipitasaun hodi "hakotu" ho Governu atual nia moris, defende entendimentu alargadu ho ho rejeita opsaun eleisaun antesipadu nian.


Mari Alkatiri husik ona pozisaun klaru iha enkontru ne'ebé maka delegasaun ida hosi nia partidu halo iha loron-sesta ne'e ho Prezidente Repúblika, Francisco Guterres Lu-Olo, iha reuniaun oioin ho forsa polítika kona-ba krizi ne'ebé mosu hosi xumbu hosi Orsamentu Jeral Estadu (OJE) nian.

"Hakotu ho Governu depende hosi Prezidente ho kuadru konstitusional. Maibé ha'u konsidera katak labele iha presipitasaun hodi hakotu ho Governu ne'e nia moris hodi la kria mamuk iha poder", Alkatiri hatete iha deklarasaun sira ba Lusa hafoin enkontru.

"Ami presiza harii entendimentu sira no ami presiza tempu balun hodi harii", nia subliña hodi nota katak nia interpretasaun maka atu primeiru-ministru, Taur Matan Ruak, tau nia fatin nu'udar xefe Estadu ba dispozisaun.

Alkatiri rejeita ona ideia ba eleisaun antesipadu foun sira no kestiona kona-ba impaktu hodi adia situasaun atual, sekretáriu-jeral hosi Frente Revolucionária do Timor-Leste Independente (Fretilin) hatete katak votasaun ida bele laiha rezultadu ne'ebé kalkuladu.

"Impaktu hosi eleisaun antesipadu ida hanesan pior. Konstelasaun polítika ne'ebé maka sei mosu hanesan la loos, gasta osan no la hatene saida maka bele mosu", nia afirma.

Kona-ba proposta sira ho mensajen ne'ebé fó ona ba Lu-Olo, Alkatiri hatete katak "mensajen ne'e hela ho Prezidente", lakohi elabora.

Nia hatete katak agora "Prezidente maka tenki foti nia inisiativu sira".

"Ha'u la'ós hatete katak Governu tenki governa to'o mandatu nia rohan. Mandatu ne'e laiha ona tanba mai hosi lejitimidade ida hosi koligasaun ida ne'ebé primeiru-ministru rasik hatete ona katak laiha ona no hosi maioria ida ne'ebé la ezisti ona", nia konsidera.

"Ha'u hanoin katak primeiru-ministru koloka nia fatin ba Prezidente maibé karik fó dispozisaun ba koligasaun", nia refere.

OJE la pasa ho votu abstensaun ho kontra hosi deputadu sira hosi Congresso Nacional da Reconstrução Timorense (CNRT), forsa polítika boot hosi Aliansa Mudansa ba Progresu (AMP) ne'ebé maka manán eleisaun sira tinan 2018 ho maioria absoluta.

Alkatiri hatete katak laiha urjénsia hodi ultrapasa situasaun atual maibé defende katak buat hotu tenki halo "iha kuadru konstitusional".

Audisaun sira ba partidu sira ho ba sosiedade sivil kontinua iha semana oinmai.

Lusa

 


Comentários

Critério de publicação de comentários