Pájina aktualizada iha 03:32h, tersa-feira 27 Maiu

Ramos-Horta "otimista ho produénsia" hosi rezolusaun hosi krizi iha nasaun iha fulan ne'e

10 de Fevereiro de 2020, 20:40

Eis-Prezidente José Ramos-Horta hatudu, iha loron-segunda ne'e, otimista ho prudénsia kona-ba posibilidade hodi, iha fulan ne'e nia laran, partidu sira ne'ebé iha fatin iha parlamentu hetan solusaun ida ba krizi iha nasaun ne'ebé mosu tanba xumbu ba Orsamentu Jeral Estadu (OJE) nian.


"Ho kuidadu, ho prudénsia, lahó otimizmu maka'as, ha'u hein solusaun ida durante fulan ne'e nia laran", afirma hosi Ramos-Horta iha deklarasaun ba Lusa hafoin partisipa iha enkontru ida ne'ebé promove hosi Prezidente Francisco Guterres Lu-Olo ho líder istóriku sira nasaun nian.

Reuniaun ne'ebé tuir esplikasaun hosi Lu-Olo ba jornalista, konklui ona katak eleisaun antesipadu hanesan "rekursu ikus" hodi rezolve krizi iha nasaun, katak partidu sira iha parlamentu tenki hetan solusaun ida no katak, to'o iha ne'ebá, primeiru-ministru Taur Matan Ruak halo nafatin funsaun sira.

"Agora, PR sei insentiva partidu sira hosi halibur hamutuk, ko'alia hodi hetan solusaun sira iha kuadru hosi atual lejislatura", esplika hosi Ramos-Horta.

"To'o agora partidu sira iha nafatin kuidadu, ho hezitasaun maka'as hodi hasoru malu hodi labele haree, hosi parte ida no parte seluk, ho deskonfiansa", nia refere.

Ramos-Horta hatete katak ko'alia nafatin ho dirijente polítiku sira iha semana hirak ikus ne'e, katak sei kontinua nafatin ho diálogu ne'e hodi ajuda atu partidu sira "esplora solusaun sira hotu ne'ebé bele", ho baze iha atual koligasaun Governu nian, Aliansa Mudansa ba Progresu (AMP) ka "laiha viabilidade ida, koligasaun polítika" seluk ida.

"Importante maka hetan solusaun ida lahó uza eleisaun antesipadu sira", nia afirma.

José Ramos-Horta hatete ona ba Lusa katak enkontru halo ona "iha ambiente konstrutivu ida, ho kontensaun maka'as ho vontade hodi hetan solusaun ida iha tempu badak", ho partisipante sira "hatudu respeitu maka'as nafatin" ba Xanana Gusmão, konvidadu ne'ebé la marka prezensa iha reuniaun.

Ramos-Horta hatete katak liuliu rekoñesimentu katak eis-Prezidente "jere hela tema sira importante tebes ba Estadu - fronteira rai sira no tasi sira no projetu Tasi Mane", ne'ebé iha ligasaun ba área petrolíferu.

Nia hatete katak kestaun sira ne'ebé maka Xanana Gusmão "presiza apoiu tomak hosi líder tomak nasaun nian".

Maski lamenta ona auzénsia hosi Xanana Gusmão, "laiha ema ida maka hamosu kestaun kona-ba nia auzénsia", no ne'e, refere hosi Ramos-Horta, "hanesan enkontru dahuluk", agora bele iha diálogu ho líder timoroan.

"Ami sei konvida esforsu sira hodi fahe ho Xanana Gusmão ba disponibilidade hosi ema tomak no ho nia hodi bele hetan solusaun ida lalais tebes, ne'ebé respeita interese sira nasaun nian. Ne'e katak: hodi garanti estabilidade polítika no governativu no hodi hasoru ho dezafiu ekonómiku sira ho sosial sira no seguransa Estadu nian", nia refere.

Hatán kona-ba krítika sira ne'ebé Xanana Gusmão halo nafatin ba Prezidente Repúblika tanba rekuza la fó pose ba membru sira Governu na'in sanulu resin, maioria hosi CNRT, Ramos-Horta hatudu otimista ba solusaun ida no posibilidade ba enkontru ida.

"Ha'u labele adianta buat barak kona-nba kestaun ne'e, maibé ha'u fiar katak enkontru ida entre Xanana Gusmão ho Prezidente Repúblika bele esklarese kestaun ne'e no bele rezolve", nia hatete.

Insisti katak laiha "opozisaun ruma ka vontade ne'ebé ladi'ak" kontra Xanana Gusmão no nia partidu CNRT, hosi partisipante sira iha enkontru loron-segunda ne'e, Ramos-Horta refere katak hanesan importante "ultrapasa diferensa sira ho deskonfiansa sira".

Lusa

 


Comentários

Critério de publicação de comentários