Pájina aktualizada iha 13:25h, sesta-feira 07 Agostu

Prezidente Repúblika aviza katak eleisaun antesipadu hanesan rekursu ikus hodi hapara krizi

11 de Fevereiro de 2020, 00:20

Prezidente Repúblika konsidera ona, iha loron-segunda ne'e, katak eleisaun antesipadu hanesan "rekursu ikus" hodi rezolve krizi iha nasaun, hodi apela ba partidu sira ne'ebé iha fatin iha parlamentu hodi hetan solusaun ida.


Iha deklarasaun sira ba jornalista sira iha palásiu prezidensial, Francisco Guterres Lu-Olo hatete mós katak atual primeiru-ministru, Taur Matan Ruak, mantén nafatin iha nia knaar sira to'o hetan solusaun ba krizi ne'ebé maka mosu tanba xumbu hasoru Orsamentu Jeral Estadu nian.

"Reuniaun hetan ona konkluzaun balun. Primeiru, katak eleisaun antesipadu hanesan rekursu ikus. Daruak, katak partidu sira ne'ebé iha fatin iha parlamentu tenki, entre sira hotu, hetan movimentu polítika ida hodi hanoin nia opiniaun hodi hetan solusaun ida ba impase polítika", nia afirma.

"Iha parte datoluk, señór primeiru-ministru mantén nu'udar primeiru-ministru to'o iha solusaun ida ba situasaun ka impase polítika", Lu-Olo hatete hodi afirma katak prekoniza "kontinuasaun hosi diálogu" hodi rezolve krizi.

Lu-Olo ko'alia hafoin reuniaun ida ho durasaun liu oras neen, ne'ebé nia konvoka ona, ho líder istóriku nasional sira no ne'ebé eis-prezidente Xanana Gusmão la marka prezensa.

Xanana Gusmão defende ona iha entrevista ida, iha findesemana, katak solusaun "justu ho demokrata liu" ba krizi maka realizasaun hosi eleisaun antesipadu.

Francisco Guterres Lu-Olo konvoka ona líder prinsipal sira nasaun nian ba enkontru ida iha Palásiu Prezidensial iha Díli, aleinde Xanana Gusmão, konvida mós eis-Prezidente José Ramos-Horta, eis-xefe Estadu no atual primeiru-ministru Taur Matan Ruak, eis-xefe ezekutivu Mari Alkatiri ho komandante hosi forsa defeza nian, Lere Anan Timur.

Francisco Guterres Lu-Olo convocou os principais líderes do país para um encontro no Palácio Presidencial em Díli, entre eles e além de Xanana Gusmão, o ex-Presidente José Ramos-Horta, o ex-chefe de Estado e atual primeiro-ministro Taur Matan Ruak, o ex-chefe do executivo Mari Alkatiri e o comandante das forças de defesa, Lere Anan Timur.

Xefe Estadu ko'alia ona ba jornalista sira iha líder nasional sira ne'ebé partisipa iha enkontru loron-segunda ne'e nia oin, ne'ebé promove hafoin diálogu maka'as ba partidu polítiku sira ne'ebé iha fatin iha parlamentu, organizasaun relijiozu sira ho sosiedade sivil.

Diálogu sira hodi rona "hanoin oioin kona-ba situasaun ne'ebé maka nasaun hasoru" no ne'ebé tenki hanesan dalan hodi hetan solusaun ba krizi.

"Iha solusaun polítika intermedia ida, No polítiku sira hotu, inklui líder nasional sira, iha konsiénsia ba gravidade hosi situasaun atual no ha'u hanoin katak partidu polítiku sira ne'ebé iha fatin iha parlamentu tenki hanoin oinsá ami bele hetan solusaun polítika intermediáriu ida, razoável liu hodi ultrapasa situasaun ne'e", nia afirma.

"Ami sei iha tempu hodi ko'alia tan no hetan solusaun ida", nia konsidera.

Lu-Olo, insisti iha "solusaun polítika ida" ba krizi, hatete katak iha dalan konstitusional sira ne'ebé disponível, maibé nia hakarak solusaun polítika ida.

Kona-ba deklarasaun hosi Xanana Gusmão ne'ebé konkorda ho eleisaun antesipadu, Lu-Olo lamenta ona auzénsia hosi eis-Prezidente iha reuniaun.

"Ha'u hakarak atu nia marka prezensa iha enkontru loron-segunda ne'e no ami bele hetan solusaun di'ak ba situasaun sira no to'o duni akordu ida", nia hatete hodi afirma katak "arasta situasaun hamosu nafatin estraga ba povu".

Xefe Estadu rekorda ona katak xumbu ba Orsamentu Jeral Estadu (OJE) tinan 2020 - tanba votu sira kontra ho abstensaun hosi deputadu sira hosi bankada CNRT nian, Xanana Gusmão nia partidu no partidu boot hosi koligasaun Governu nian.

Situasaun ida ne'ebé iha "konsekuénsia sosial sira ho ekonómiku sira" no ne'ebé halo "líder sira hosi nasaun ne'e buka lalais solusaun ida hodi hapara" ho krizi polítika.

Hatán kona-ba lejitimidade hosi Taur Matan Ruak nian nu'udar primeiru-ministru - hafoin nia rasik no Xanana Gusmão konsidera tiha katak koligasaun Governu nian "laiha ona" - xefe Estadu insisti iha diálogu.

"Ha'u rekomenda nafatin diálogu hanesan dalan solusaun nian no mantén Taur Matan Ruak nu'udar primeiru-ministru. Nia seidauk aprezenta demisaun, la aprezenta demisaun formal", nia hatete.

Lusa

 


Comentários

Critério de publicação de comentários