Pájina aktualizada iha 14:53h, sabado 29 Fevereiru

Koronavírus: Moras nia naran ofisial agora maka Covid-19

12 de Fevereiro de 2020, 01:10

Infesaun ne'ebé mosu tanba koronavírus foun ne'ebé hetan iha Xina agora iha naran ofisial "Covid-19", desidi ona hosi Organizasaun Mundial Saúde (OMS) iha loron-tersa ne'e, iha loron dahuluk hosi loron rua reuniaun nian entre espesialista internasional sira na'in 300 resin.


OMS desidi uza ona naran ida ne'ebé maka bele temi ho di'ak no ne'ebé la hatudu lokalizasaun jeográfiku espesífiku ruma, animal ida ka grupu hosi ema sira hodi evita estigmatizasaun, haktuir hosi diretor-jeral OMS nian, Tedros Adhanom Ghebreyesus, iha konferénsia imprensa.

Naran ne'e mosu hosi akrónimu iha lian inglés hosi espresaun "moras hosi korona vírus" (‘corona virus disease’).

Sientista sira, investigador sira ho espesialista sira hosi saúde públika hahú iha loron-tersa ne'e, iha Jenebra (Suisa), iha fórum ida durante loron rua hodi debate dalan sira hodi kontrola no hasoru ho moras hosi koronavírus foun ne'ebé maka detekta iha Xina.

Reuniaun, ne'ebé halibur investigador sira, espesialista sira ho responsável sira saúde nian, konvoka hosi OMS, hakarak kordena esforsu sira hodi hetan resposta sira ba epidemia foun.

"Aproveita kbiit siénsia nian hanesan importante hodi kontrola moras ne'e. Iha resposta sira ne'ebé ami presiza no dalan sira ne'ebé ami tenki dezenvolve lalais tebes. OMS iha dezempeñu knaar ida kordenasaun nian, halibur komunidade sientífiku hodi identifika prioridade sira peskiza nian no aselera progresu", afirma hosi diretor-jeral OMS nian, Tedros Adhanom Ghebreyesus, iha deklarasaun eskritu nian.

Iha reuniaun, ne'ebé hala'o entre loron-tersa ho loron-kuarta, partisipante sira sei ko'alia tema oioin, hanesan identifikasaun hosi fonte vírus nian ka fahe ezemplu biolójiku sira ho sekuénsia jenétika sira.

Koronavírus foun deskobre iha Xina halo ona ema infetadu hamutuk rihun 43 resin no ema rihun resin maka mate ona, no iha de'it ema ida maka mate iha estranjeiru, iha Filipina.

Lusa

 


Comentários

Critério de publicação de comentários