Pájina aktualizada iha 14:43h, sabado 29 Fevereiru

Empreza na'in hosi plataforma flutuante iha Tasi Timor fa'an ho folin ki'ik

13 de Fevereiro de 2020, 00:16

Empreza australianu Northern Oil and Gas (NOGA) sei fa'an ho folin ki'ik, hamosu futuru ne'ebé laloos hosi plataforma flutuante ida iha Tasi Timor ne'ebé karik sobu sei iha folin euro millaun 125, fó sai iha notísia hosi imprensa australianu iha loron-tersa ne'e.


Desizaun, ne'ebé foti hosi kredor sira iha loron-sesta, bele obriga Governu australianu tenki selu kustu hodi sobu plataforma flutuante, Northern Endeavor, ne'ebé konsidera hanesan "bomba-relójiu ambiental" ida.

Ró-plataforma ne'e agora laiha tripulasaun no paradu iha Tasi Timor.

Iha tripulasaun mínimu ida dezde regulador sira hosi área haruka tiha, iha fulan-Jullu tinan liubá, taka saida maka uluk hanesan plataforma petrólu boot ida 'offshore' hosi Austrália iha Tasi Timor nian.

Regulador sia haruka taka hafoin komprova ferujen, falta hosi sistema ida kombate hasoru inséndiu no "risku atu bele akontese asidente boot ida".

Desizaun ne'e halo empreza proprietáriu, NOGA, hahú prosesu ida "administrasaun voluntáriu", dalan ida salvamentu empreza nian ne'ebé implika nomeasaun ba administrador independente ida ne'ebé analiza opsaun sira ne'ebé disponível.

Prosesu ikusmai laiha susesu, ho kredor sira vota iha loron-sesta halo likidasaun ba NOGA, hosi empreza rua ne'ebé asosiadu ne'ebé maka kontrola plataforma - agora daudaun laiha tripulasaun - no kampu petrolíferu sira Laminaria ho Coralina.

Kampu rua, ne'ebé besik hotu ona sira nia moris útil, produz ona baril hamutuk millaun 203 resin ho reseita ne'ebé kalkula hosi dolar biliaun 6,8 (euro biliaun 6,1), ho Governu australianu simu osan liu dolar biliaun 2,2 (euro biliaun rua), haktuir hosi ONG La'o Hamutuk.

Reaje ba desizaun hodi fa'an NOGA ho folin ki'ik, ministru Rekursu australianu, Keith Pitt, hatete iha komunikadu katak Governu sei kria ekipa ida hodi hetan solusaun sira iha prazu naruk "ho dalan seguru liu no efisiente iha nível kustu nian, limita kustu sira ba konstribuinte australianu sira".

"Ami lamenta katak la konsege hetan solusaun ida hodi impede likidasaun hosi NOGA, maibé Governu sei halo buat hotu ne'ebé presiza hodi proteje seguransa hosi plataforma Northern Endeavour hodi proteje ambiente no mantén seguru traballador sira", nia refere.

Investigasaun ida ne'ebé halo hosi Upstream Production Solutions, empreza ne'ebé kontrata hosi NOGA hodi halo operasaun iha Endeavour, determina ona katak desizaun hosi Woodside hodi husik plataforma hamosu ona "estratéjia ida hosi minimizasaun hosi manutensaun".

Diminuisaun sira aumenta nafatin durante tinan barak, ho rejistu ba de'it karegamentu ida iha tinan 2016 ho 2017.

KPMG, empreza administradora ne'ebé nomeadu, tenta ona hetan komprador ida ba plataforma, ne'ebé tenki gasta osan millaun 50 dolar australianu (euro millaun 31,1) hodi hadi'a embarkasaun iha estaleiru iha Darwin.

Bainhira labele hetan komprador ida, kampu petrolíferu sira Laminaria ho Coralina - ne'ebé iha bee Timor-Leste nian - tenki dezativa, nune'e obriga taka posu oioin hodi impede petróleu baril millaun 24 hodi labele sai ba Tasi Timor.

Kalkula katak folin operasaun, ne'ebé kalkula besik euro millaun 125, agora tenki selu hosi Governu australianu, ka tuir media hosi nasaun ne'e, hosi antigu proprietáriu hosi posu sira, Woodside Petroleum.

Angus Karoll, proprietáriu NOGA, hatete ona iha tinan liubá ba ABC katak hein atu plataforma bele fila fali ba produsaun, hodi afirma katak hasai nia la halo parte hosi planu empreza nian.

Karoll apela ona ba regulador sira hodi foti sira nia bandu hodi extrai petróleu ho ró sira ho efeitu aat sira, hodi permiti atu nia empreza sai hosi administrasaun voluntáriu, insisti katak reparasaun sira ne'ebé presiza bele halo iha tasi.

Lusa

 


Comentários

Critério de publicação de comentários