Pájina aktualizada iha 14:43h, sabado 29 Fevereiru

Governu timoroan aprova orsamentu inisial ba Jogu sira CPLP nian iha Jullu iha Díli

13 de Fevereiro de 2020, 01:15

Governu timoroan aprova ona iha loron-kuarta ne'e orsamentu ida besik dolar rihun 511 ba faze dahuluk hosi preparativu Jogu sira CPLP nian, ne'ebé hala'o iha Díli entre 12 ho 20 Jullu.


Sekretáriu Estadu Juventude ho Desportu, Nélio Isaac, esplika ona ba Lusa katak hanesan pakote orsamental dahuluk ne'ebé sei serve mós ba organizasaun hosi Konferénsia sira hosi Ministru sira Juventude ho Desportu hosi Komunidade Nasaun sira Lian Portugeza (CPLP) nian ne'ebé sei hala'o iha tempu hanesan iha Díli.

Isaac esplika ona katak orsamentu ne'ebé previstu dahuluk, dolar millaun 2,25, hetan difikuldade tanba xumba hosi Orsamentu Jeral Estadu (OJE) tinan 2020 no tanba nasaun iha duodésimu nia laran.

"Ami iha ona, tanba ne'e maka desidi lalais orsamentu no faze dahuluk maka aprova ona ohin", refere ona Nélio Isaac, hodi haree katak pakote orsamental daruak sei aprova ikusmai.

Sekretáriu Estadu esplika ona katak iha faze dahuluk fundu sira destina ba aspetu oioin hanesan preparasaun hosi sekretariadu ba apoiu ba delegasaun sira hosi konferénsia no hosi jogu sira.

Sei destina mós osan hodi hadi'a infraestrutura desportivu oioin, entre sira maka hadi'a no harii tribuna ba espetador sira iha kampu sira ténis nian iha Universidade Nacional Timor Lorosa’e (UNTL).

Sei iha mós obras sira iha Estádiu Munisipal Díli nian, iha sentru sidade, ne'ebé obras sira paradu durante tinan barak nia laran no ne'ebé sei halo serimónia abertura ba eventu.

Entre hadi'a sira iha mós kampu vólei tasi-ibun nian, iha bairu Lecidere, iha parte leste kapital nian, ne'ebé presiza muda estrutura haat hodi fa'an ai-fuan nian hodi permiti asesu ba espetador sira iha tasi-ibun.

"Ami sei hahú ho publisidade no promosaun sira hosi jogu sira hodi nune'e populasaun Timor-Leste nian hatene katak iha Jullu ami sei iha eventu desportivu internasional ida no mós hodi promove identidade ho símbolu hosi jogu sira, Lafaek", nia esplika.

Orsamentu dahuluk sei apoia mós ekipa nasional timoroan sira nian hosi modalidade oioin no ba perkursu, hosi Timor-Leste tomak, hosi Ahi Jogu nian.

Aspetu sira hotu hosi jogu sira sei sai definitivu iha Marsu bainhira Díli simu reuniaun preparatóriu ikus hosi diretor jeral sira hosi nasaun sira CPLP nian, esplika hosi Nélio Isaac.

Faze daruak hosi orsamentu sei fó hodi sosa ekipamentu sira, inklui eletróniku sira, ba modalidade oioin, ba alojamentu no nesesidade sira seluk hosi delegasaun internasional sira no hodi kordena seguransa no kestaun sira ne'ebé relasionadu.

Iha nível saúde nian, Nélio Isaac hatete ona katak husu ona apoiu ba Portugal hodi haruka ekipa ida INEM nian ne'ebé bele iha Díli hodi ajuda fó asisténsia médika ba atleta sira.

"Ha'u senti katak ami iha ona resposta hosi Portugal", nia hatete.

Múzika ofisial hosi eventu, ne'ebé sei aprezenta ba públiku ho símbolu iha Marsu, aprezenta ona iha loron-kuarta ne'e ba Konsellu Ministru no sei kanta hosi artista nasional sira, Maria Vitória ho Gerson de Oliveira.

Maria Vitória (Marvi) hanesan pop-star timoroan koñesidu hafoin manán tiha programa televizaun The Voice iha Portugal.

Timor-Leste kalkula katak jogu sira sei simu ema rihun resin, entre atleta ho delegasaun sira, hosi Estadu-membru sira CPLP nian, no sei tau hamutuk ho ema timoroan na'in 850 resin.

Hanesan ho konseitu hosi Jogu sira Luzofonia nian, Jogu sira CPLP nian hanesan eventu multidesportivu ida ba atleta sira ho menus tinan 17.

Eventu - ne'ebé foin lalais akontese tinan rua dala ida - hakarak reforsa solidariedade entre sidadaun sira hosi nasaun sira hosi Komunidade no promove espíritu fair-play nian.

Edisaun ikus halo iha Jullu 2018 iha São Tomé & Prínsipe, no edisaun dahuluk halo iha Setembru 1992, iha Lisboa.

Portugal sai hanesan selesaun ne'ebé hetan liu medalla iha edisaun neen hosi edisaun 11 hosi prova, ne'ebé hahú iha 1992 iha Lisboa no ho vizita ba Timor-Leste iha tinan ne'e tenki liuhosi Estadu-membru CPLP tomak, la konta ho Guiné Ekuatorial. Brazil sai ona hanesan nasaun ne'ebé hetan liu medalla iha edisaun haat hosi prova no Angola iha edisaun ida.

Lusa

 


Comentários

Critério de publicação de comentários