Pájina aktualizada iha 15:43h, sabado 29 Fevereiru

Inséndiu sira kontroladu iha estadu australianu ne'ebé afetadu liu, hatete hosi bombeiru lokal sira

14 de Fevereiro de 2020, 00:28

Inséndiu sira ne'ebé akontese iha estadu australianu hosi Nova Gales Súl, ne'ebé atinjidu maka'as durante fulan barak hosi inséndiu ai-laran sira, kontroladu ona, hatete hosi bombeiru lokal sira iha loron-kinta ne'e ba ajénsia notísia AFP.


"Hahú hosi loraik ne'e, inséndiu sira hotu iha Nova Gales Súl kontroladu ona", deklara ona hosi porta-vós ida hosi bombeiru rural sira hosi Nova Gales Súl, hodi felisita ho "notísia di'ak sira" hafoin fulan barak hosi krizi ne'ebé maka nunka akontese iha nasaun.

Udan sira iha loron hirak ikus ne'e, udan sira ne'ebé maka maka'as tebes iha tinan 30 ikus ne'e, hamate ona inséndiu sira ne'ebé importante liu no kontrola ona inséndiu sira seluk.

"Inséndiu sira hotu agora iha kontroladu ona iha Nova Gales Súl", hatete hosi Rob Rogers, visi-diretor hosi grupu bombeiru estadu nian iha vídeo ida iha Twitter.

Maibé, Rogers hatete katak "iha inséndiu balun maka sei iha, atividade ruma sei akontese iha extremu súl estadu nian".

Iha teritóriu hosi kapital australianu, iha besik Canberra, bombeiru sira sei tenta kontrola inséndiu ki'ik iha loron-kinta ne'e.

Hahú hosi Setembru, inséndiu sira akontese ona estadu oioin hosi leste ho súl nasaun nian iha área ida hamutuk liu 100.000 kilómetru kuadradu, boot liu duké Portugal, no halo ona pelumenus ema na'in 33 mate.

Uma liu 2.500 resin estraga no animal hamutuk biliaun resin maka mate.

Tinan ne'e, inséndiu florestal sira akontese antes no maka'as tebes, tanba rai-maran ho tanba temperatura sira ne'ebé aas, fenómenu sira ne'ebé akontese tanba mudansa klimátika sira.

Lusa

 


Comentários

Critério de publicação de comentários