Pájina aktualizada iha 15:43h, sabado 29 Fevereiru

Japaun anunsia mate hosi feto portadora hosi koronavírus foun

14 de Fevereiro de 2020, 04:21

Iha loron-kinta ne'e, ministru Saúde Japaun nian anunsia ona kazu dahuluk ba vítima mortal iha nasaun ne'e hosi ema ida ne'ebé iha koronavírus foun (Covid-19), mantén kuidadu kona-ba kauza mate nian hosi feto ida ho tinan 80.


"Relasaun entre koronavírus foun ho ema ne'e nia mate seidauk estabelese", hatete hosi Katsunobu Kato durante konferénsia imprensa ida, hodi adianta katak rezultadu pozitivu hosi teste konfirma hafoin nia mate.

Iha Japaun, "ne'e hanesan kazu mate dahuluk hosi ema ida ne'ebé maka nia teste hatudu pozitivu" ba koronavírus foun, afirma hosi ministru japunés.

Xina iha loron-kinta ne'e reporta ona vítima mortal na'in 254 no ema infetadu foun na'in 15.152 iha oras 24 nia laran ba koronavírus foun, ne'ebé hanaran Covid-19, iha aumentu rekord ida ne'ebé mosu hosi mudansa iha metodolojia hosi kontajen.

Númeru total hosi ema sira ne'ebé mate tanba moras, hetan ba dala uluk iha fulan-Dezembru liubá, fiksa iha loron-kinta ne'e iha na'in 1.367, bainhira númeru hosi kazu konfirmadu sira aumenta ba na'in 59.804, iha Xina kontinental tomak.

Aleinde kontinente xinés, Hong Kong ho Filipina reporta mós ema na'in ida mate iha fatin ida-idak.

Komisaun Nasional Saúde Xina nian hatete ho detalle katak, entre pasiente sira, iha kazu todan hamutuk 8.030 no ema na'in 5.911 maka hetan ona kura no hetan alta.

Provínsia xineza Hubei, ne'ebé hanesan baze hosi vírus, rejista ona, iha oras 24 ikus ne'e, mate na'in 242, liu dobru hosi loron anterior.

Númeru hosi ema infetadu sira mós ultrapasa ona maka'as tebes hosi kazu sira ne'ebé reporta iha loron-kuarta. Rejista ona kazu foun infesaun nian iha provínsia hamutuk 14.840 resin, fiksa iha total hosi rihun 48 resin.

Métodu foun kontajen nian inklui "kazu sira ne'ebé diagnóstika klinikamente", maibé seidauk sujeitu ba ezame laboratorial no, nune'e, auzente to'o agora hosi estatístika sira.

Atrazu sira iha diagnóstiku hosi vírus bele hanesan maka'as, tanba pasiente barak maka hein to'o semana ida ba rezultadu sira hosi ezame sira iha laboratóriu ne'ebé maka haruka ba Pekin.

Permiti atu médiku sira halo diagnóstiku diretamente ba pasiente sira sei permiti atu ema barak simu tratamentu, inklui iha ospital oioin ne'ebé harii foun iha Wuhan espesial ba tratamentu hosi infetadu sira ho Covid-19.

Lusa

 


Comentários

Critério de publicação de comentários